गुवाहाटी, 12 जुन, 2022: आसामनि राजथावनि दिसपुरनि गुवाहाटी नोगोरनि थागिबि सासे सिख्लानि गोथै सहखौ हादोरनि राजथावनि दिल्लिआव बोखांनो मोन्दों। दिल्लिनि गावनि थाग्रा खथा सिंनिफ्राय गोथै सहखौ बोखांनो मोन्दों। गावनि थाग्रा खथानि सिङाव मोब्लिब नांजानानै जिउ गोमादों होन्नानै सन्दह खालामनाय जादों। मोब्लिब खारबाय थानाय टारआव नांनानै जिउ गोमादों होन्ना सन्देह खालामदों। थांनाय सनिबाराव बे जाथाइया जायो आरो गौथै सहखौबो बोखांनो हादों होन्ना मिथिनाय जादों। मखनो गोनांदि जिउ गोमानाय सिख्लाया Air Hostess नि सोलोंथाइ लागासिनो दंमोन।
जिउ गोमानाय सिख्लानि मुंखौ पुजा बरुवा होन्नानै सिनायथिनाय जादों। मिथिनो मोन्नाय बायदिब्ला, पुजा बरुवाया दिल्लिनि मालबिया नगरनि गंसे न’आव भारा लानानै थादोंमोन। जाथाइनि सायाव नायबिजिरनायखौ दिल्लिनि पुलिस बिफाना जायबाय। जिउ गोमानाय सिख्लानि गोथै सहखौ बे समाव पस्ट मर्टेम खालामनो थाखाय All India Institute of Medical Sciences (AIIMS) देहा फाहामसालिआव लांदों होन्नानै मिथिनो मोन्दों।
