गोदान दिल्ली,18 जुन 2022: भारतारि टीमआ साउथ आफ्रिकाखौ ब्रैथि टी20 मेचआव 82 रानजों फेजेनदों। बे मेचआव भारतनि थाखाय स्टार उइकेटकिपार-बेटिं खालामग्रा दिनेश कार्तिकआ गोख्रोङै गेलेदों आरो महेन्द्र सिं धनिनि रिकर्डखौ सिफायदों।
दिनेश कार्तिकआ साउथ आफ्रिकानि ब्रैथि टी20 मेचआव 27 बलआव 55 रान बानायदों, जेराव 9 खेब 4 रान आरो 2 खेब 6 रान बानायनो हादों। बियो टी20 इन्टारनेशनेल क्रिकेटआव 6थि नम्बरनि गोख्रों बेटिं खालामनानै मोजाङै गेलेगिरि जादों। बेनि सिगां बे रिकर्डआ महेन्द्र सिं धनिनि मुङाव दंमोन। धनिआ साउथ आफ्रिकानि हेंथायै 2018 आव नम्बर 6 आव बेटिं खालामनानै 52 रान बानायदोंमोन।
दिनेश कार्तिकआ भारतनि थाखाय गावनि गिबि टी20 मेचखौ 2006 आव साउथ आफ्रिकानि हेंथायै गेलेदोंमोन। बे मेचआव कार्तिकआ 31 रान खालामदों आरो मेन अफ दा मेचखौबो मोननो हादोंमोन। 2018 आव दिनेश कार्तिकआ निदहास ट्रपिनि फाइनालाव बांग्लादेसनि हेंथायै 8 बलआव 29 रान बानायदोंमोन।बे समावबो बियो मेन अफ दा मेच बान्थाखौ मोननो हादोंमोन।
दिनेश कार्तिकआ आथिखालाव मोजां फर्मआव थांगासिनो दं। बियो आइपिएलआव आरसिबि टीमखौ माखासे खेब बार देरहा होदों।मोजाङै गेलेनायनि थाखायनो कार्तिकआ टीम इन्डियाआव गेलेनो खाबु मोनदों।जुदि साउथ आफ्रिकानि हेंथायै बियो मोजाङै गेलेयोब्ला टी20 वार्ल्ड कापआवबो गेलेनो खाबु मोननो हागौ।
