क’क्राझार जिल्लानि सिङाव थानाय काशियाबारि दुलागाव गामिनि बारग’ एन डि एफ बि नि सासे सोद्रोमा कनक बसुमतारी @ बि. गामब्ला बिथाङा थांनाय 24 नभेम्बर खालि फुंनि 9:00 रिंगायाव फासि नांनानै बे बुहुमखौ नागारलाङो।
बिथांनि सारादुखौ दिनै गावनि न’खरनि जाथि-खुरमा, बाइ-बाहागि, गामिनि राइजो-राजाफोरखौ लानानै खुंफुंनाय जायो।
बे सारादुआव मिरु UNITED FORUM OF EX-NDFB नि आफादगिरि सिला बसुमतारी, अर्गेनाइजिं सेक्रेटारि बिनायसा ब्रह्म, लेङाइ रांखान्थि नेहाथारि लकनाथ नार्जारी लोगोसेनो क’क्राझार जिल्ला UNITED FORUM OF EX-NDFB नि आफादगिरि आगस्टिन बरगयारी, गाहाइ नेहाथारि रायदाव ब्रह्म, रांखान्थि नेहाथारि राजु नार्जारीजों लोगोसेनो जिल्लानि गोबां दैदेनगिरिफोराबो बाहागो लायो।
