फुटबलार गेरार्ड पिक आरो प’प स्टार साकिरानि गेजेराव 12 बोसोरनि जुलिनि सोमोन्दोया गावस्राबाय।

0
219
Footballer Gerard Pique and Pop Singer Shakira Breakup

स्पेन, 4 जुन 2022: मुलुगनां फुटबल फोथाराव मिथिसार जानाय गुबुन सासे गोख्रों डिफेन्दार गेरार्ड पिक आरो देंखो मुलुगनि मुंदांखा प’प स्टार साकिराआ जोबथायाव गावसोर सानैनि जुलिनि सोमोन्दोखौ नागारलायबाय। सुलुंनि बादिब्ला, बिसोर सानैआ थांनाय 12 बोसोरनिफ्रायनो सानै गथ’-गथाय खांनानै संसारखौ रुजु-रुमु जाबोदोंमोन। नाथाय गेजेर समाव बिसोर सानैनि गेजेराव माखासे जाहोनखौ लानानै सोमोन्दोया गाज्रि जाबोनानै दिनै जोबथा थांखिजों 12 बोसोरनि जुलिनि सोमोन्दोआ थबस्र’ जयो। रायखांनो गोनांदि, साकिराआ लेटिन आमेरिकानि बयनिख्रुइबो देरसिन प’प स्टार एबा देंखोगिरि। साकिराआ मोनसे समाव फिफा वर्ल्ड कापआव सोमोनांथाव देंखो रोजाबनानै मुलुगनि गेजेरावनो बयनिख्रुइबो मिथिसारनाय देंखोगिरि जानो हाबावदों।

फारसेथिं, फुटबलार गेरार्ड पिकआबो स्पेन फुटबल हान्जानि जानानै मोनसे समाव फिफा वर्ल्ड कापखौ देरहाहोनो हानाय गेलेगिरि एबा डिफेन्डार महरै मिथिसारजादों। दासान्दि गेरार्ड पिकआ बार्चिलना क्लाबनि जानानै गेलेगासिनो दं। नाथाय हरखाब बिसोर सानैनि जुलिनि सोमोन्दोआ दिनै गावस्रानायाव अनसायारि सुबुंफोरा दुखु मोनखांनाय फोरमायदों।

LEAVE A REPLY

Please enter your comment!
Please enter your name here