गुवाहाटी मुलुग सोलोंसालिआ डिग्रिनि 6थि सेमेस्तारनि आन्जादखौ फिन फावसायबाय।

0
90
Gauhati University

गुवाहाटी, 25 जुन, 2022: आसामाव गोबां अखा हानायनि जाहोनाव गोबां ओनसोलाव दै बानानि जेंनाजों रायजो राजाफोरा मोगा-मोगि जानो गोनां जादों। न’ बां गारनानै रैखाथि बादायाव थाहैनो गोनां जादों। नख’रनि धोन सम्पथि आरो आबाद फोथारनि आबादफोराबो गासैबो खहा जानायखौ नुनो मोन्दों। बे जेंनाजों रायजो राजाफोरनि अनगायैबो फरायसाफोराबो गाज्रियै गोहोम गोग्लैजादों। जायनि जाहोनाव गुवाहाटी बुहुम फरायसालिआ डिग्रिनि 6थि सेमेस्तारनि आन्जादखौ फिन फावसायनो गोनां जादों।

फरायसाफोरनि मोजांखौ हास्तायनानै बे थांखिखौ लादों। सिगाङाव फोसावनाय मिथिसार बिलाइनि बायदिब्ला आन्जादा 29 जुनआव जानो गोनांमोन। नाथाइ, बेखौ बोखांनानै लाफिननानै 4 जुलाइखौ आन्जादनि गोदान अक्ट’ हिसाबै फोसावनानै होयो। डिग्रिनि गासैबो Course नि थाखाय आन्जादनि गोदान अक्ट’खौ फोसावनानै होदों। रायजोनि गुबुन गुबुन जिल्लायाव दै बानानि थासारिखौ नोजोर होनानै बे थांखिखौ लायो बुहुम फरायसालिनि खुंथाइआ। मिथिनो मोन्नाय बायदिब्ला, नैथि खेबनि थाखाय आन्जादनि अक्ट’खौ फावसायनानै होदों खुंथाइया। सिगांनि फोसावबिलाइनि बायदिब्ला 25 जुननिफ्रायनो आन्जादा जानो गोनांमोन।

Gauhati University 6 Sem Exam Postponed

LEAVE A REPLY

Please enter your comment!
Please enter your name here