गुवाहाटी, 7 आगष्ट, 2022: मोजां मोननायाव जेबो सिमा गैया, मोजां मोननानि थाखाय गासैबो खामानिखौनो मावनो हायो । बे बाथ्राखौ फोरमान खालामदों शुवालकुशीनि 15 बोसोर बैसोनि सासे हिनजावसाया । बै हिन्जावसाया मोजां मोननायनि थाखायनो गावनि जिउखौ खैफोदआव खोख्लैदों । फेसबुकआव लोगो मोननाय सासे सेंग्राखौ मोजां मोनोमोन हिन्जावसाया ।
नाथाय बै सेंग्रानि देहायाव HIV पजिटिभ मोननाय जादों । मिथिनो मोननाय बादिब्ला, बै हिन्जावसाया मोजां मोननाय सेंग्राजों गोबां खेब खारनानै थाहैयोमोन । नाथाय नख’रनि सुबुंफोरा बिखौ न’आव लाबोफिन्दों । बेनि गेजेरावनो हिन्जावसाया मोनसे जोबोद गिदिर थांखिखौ लादों । मोजां मोननाय सेंग्रानि थैखौ सिरिन्जजों गावनि देहायाव सोनानै लादों हिन्जावसाया । बेबादि जाथायखौ मिथिनो मोननानै जायगानि सुबुंफोरा सोमोनांदों आरो ओनसोलाव दुंहाव थासारि सोमजिदों । बेबादि बेरेखा खामानि मावनायनि थाखाय सेंग्राजों लोगोसे हिनजावसाखौ हजाइ पुलिसआ हमनानै फाहामथाइ होगासिनो दं ।
