ISRO आ Small Satellite Launch Vehicle (SSLV) ‘आजादी सेटेलाइट’खौ लन्स खालामबाय।

0
90
ISRO AzaadiSAT Launch

गोदान दिल्ली,7 आगस्ट 2022: उदांस्रिनि 75थि बोसोरारि सानखौ फालिनायनि सिगां भारतआ SSLV ‘आजादी सेटेलाइट’खौ लन्स खालामदों।बे सेटेलाइटखौ गं 75 स्कुलनि सा 750 फरायसाफोरा बानायदों।बे ‘आजादी सेटेलाइट’खौ श्रीहरिकटानि सतीश धवन अख्रांमा सेन्टारनिफ्राय लन्स खालामनाय जादों।

ISRO आ फोरमायदों SSLV खौ अख्रांमाआव दैथाय हरनाया फुरा जाबाय। आसा खालामनाय बायदियै रकेटआ गासिबो जेंनानिफ्राय बारगजोबनो हाबाय।नाथाय टार्मिनाल फेजनि समाव डाटाखौ मोननो हायाखै। ISRO आ बेखौ नायबिजिरगासिनो दं।थाबैनो रकेटजों सोमोनदोखौ लाफिननो हागोन।

SSLV खौ सा 6 इन्जिनियारफोरा 1 सप्ताहआवनो थियारि खालामनो हायो। बेयो 10 किलग्रामनिफ्राय 500 किलग्रामनि सेटेलाइटखौ गोरलैयैनो अख्रांमाआव लांनो हायो। SSLV रकेटआ मोननैबो सेटेलाइटखौ अख्रांमाआव 350 किलमिटार कक्ष हांखोआव गायसनगोन।गिबि सेटेलाइटआ जादों 135 ग्रामनि लिरथाय थानाय हा सा बाहागोखौ नायबिजिरग्रा सेटेलाइट IOS 02 आरो नैथिआ जादों आजादी सेटेलाइट,जायनि लिरथाया 7.5 किलग्राम।

LEAVE A REPLY

Please enter your comment!
Please enter your name here