गोदान दिल्ली, 7 आगष्ट, 2022: इउनाइटेड किंडमनि बार्मिंघमआव जानाय COMMONWEALTH GAMES- 2022 आव भारतारि आइजो क्रिकेट टीमआ इंलेण्डनि आइजो क्रिकेट टीमखौ सेमी फाइनेलआव फेजेननानै फाइनेलआव जायगा बानायनानै लानो हाबाय । भारतारि आइजो क्रिकेट टीमआ इंलेण्डखौ फेजेननानै COMMONWEALTH GAMES नि जारिमिनआव गिबि मेडेलखौ गावसोरनि खालामनानै लानो हाबाय । भारतनि आइजो टीमआ इंलेण्डखौ 4 रानजों फेजेननो हादों । सेमी फाइनेलनि गेलेनायाव भारतआ टस खालामनायाव देरहानानै सिगां बेटिं खालामनानै 20 अभारआव मोन 5 उइकेड लानानै 164 रान खालामदों । भारतनि टीमनिफ्रा मन्डानाआ मोन 32 बलजों 61 रान खालामदों आरो जेमाइमा रड्रिगजआ 31 बलजों 44 रान खालामदों । भारतनि टीमनिफ्राय स्नेहा रानाआ बयनिख्रुइ बांसिन मोननै उइकेड लादों ।
COMMONWEALTH GAME 2022 नि थाखाय भारतारि टीमआ 29 जुलाइनिफ्रायनो थियारि जादों । भारतारि टीमनि गिबि गेलेनाय 29 जुलाइ 2022 आव अष्ट्रेलियाजों लोगोसे जादोंमोन । जेराव टीमआ मोन 3 उइकेड जों जेननांनो गोनां जायो । नैथि खेबआव भारतआ पाकिस्तानखौ फेजेन्दोंमोन आरो थामथियाव बारबाडसनि बेरेखायै गेलेदों आरो सेमिफाइनेलआव इंलेण्डखौ फेजेननो हायो ।
भारतारि आइजो क्रिकेट हानजानिफ्राय हरमनप्रीत कौर(केप्टेन), शेफालि बर्मा, स्मृति मन्डना, जेमाइमा रड्रिगेज, तानिया भाटिया, दिप्टी सर्मा, पुजा भस्त्राकार, राधा यादब, स्नेहा राना, मेघना सिं, नेरनका सिं मोनहा गेलेदोंमोन ।
