खर’नि खानाय गनाय आरो खर’नि कपि एबा Dandruff खौ होबथानायनि राहा।

0
148
Tips to Control Hairfall and Dandruff

गोदान दिल्ली,6 आगस्ट 2022: खर’नि खानाय गनायनि जेंनाखौ लानानै बयबो जिंगा सियो।बिजी जिउ खुंनाय आरो nutrients आ खम जानायनि जाहोनाव खर’नि खानाया रानस्राव आरो लोरबां जायो। खानाय गनाय आरो कपिनि जेंनाखौ बयबो सुबुंफोरनाव बांसिन नुदों। अलिभ अयेलजों खर’नि खानायनि जेंनाखौ जानगार खालामनो हागोन।अलिभ अयेलाव एन्टी अक्सिडेन्ट आरो माखासे nutrients नि गुनखौबो मोननाय जायो।

अलिभ अयेलनि मुलाम्फाफोरा जादों…

  1. अलिभ अयेलाव दावदैनि गोमो बाहागोखौ मोजाङै गलाय नांगौ।गलाय खांनायनि उनाव खावसे घन्टा खानायाव फुनना लानांगौ।बेनि उनाव दैजों सुनानै लानांगौ।बेबायदि खालामनानै सप्ताहाव खनसे खननै खानायाव फुनना लानांगौ।बेजों खर’नि कपि एबा Dandruff आ जानगार जागोन।
  2. अलिभ अयेलखौ जेसेबां जखानि लागोन बेसेबां जखानिनो लेबुनि रसखौ गलाय नांगौ।लेबुआव थानाय साइट्रिक एसिडआ खानायनि Dandruff खौ जानगार खालामो।बेजों खानाया गुरै आरो जोंखोल जागोन।
  3. अलिब अयेल आरो हाल्दैखौ गलायनानै खानायाव फुनना लानांगौ।हाल्दैआव एन्टी-बेक्टीरियेल गुन थायो।बेयो खानायनि मैलाखौ जानगार खालामनायजों लोगोसे खर’नि खानायखौ गोरा खालामो।
  4. अलिभ अयेलाव आलमन्ड थावखौ गलायनानै खानायाव फुननानै लाब्लाबो खानायनि कपी एबा Dandruff आ खम जागोन। लोगोसे खानाया हेल्दी जागोन।

Dandruff जानाया खानाय गनाय आरो लोरबां जानायनि नेरसोन। Dandruff आ खानायनि गुदिआव सिथाबनानै थायो ।जायनि जाहोनाव खानाया लोरबां आरो रानस्राव जायो।जुदि थि समावनो खर’नि कपिखौ नोजोर होयाब्ला खानाया गाज्रि जानो हागौ।बेनि थाखायनो थि समावनो खानायखौ जोथोन लानांगौ।

खर’नि खानायाव कपि जानायनि गाहाय जाहोना रानस्राव जानायनि थाखाय जायो।

  1. अलिभ अयेलाव स्क्राइलेस थायो।जायजों खानायनि रानस्राव जानाया गैआ जालाङो आरो कपि जानायनि जेंनायाबो खम जालाङो।
  2. अलिब अयेला खानायखौ जोंखोल आरो गुरै खालामो।
  3. अलिभ अयेला खानाय गुदिसिम थांना देरहोनाय लावहोनाय गुनखौ जगायनानै होयो।बेजों खानाय गनाया गैआ जालाङो।
  4. अलिभ अयेलाव थानाय एन्टीअक्सिडेन्टआ खरनि खानायखौ मैला गोयै खालामो।खर’आव मैला गैयाब्ला कपियाबो जानो हाया।
  5. अलिभ अयेला खानायनि बिबार बारनायखौ मोजां खालामफिनयो।

LEAVE A REPLY

Please enter your comment!
Please enter your name here