6 रोजानिबो बांसिन सुबुंफोरा आबाद फोथाराव दैनि आंखालजों दुखुनि खाफाल हमनांदों।

0
107
embankment work in village

बगाजुलि कालिपुर ओन्सोलनि रोजा रोजा आबादारिफोरा दैनि आंखालजों दुखुनि खाफाल हमनांदों । जावले जावले फोरमायथिनायनि उनावबो जेंनाफोरखौ फोजोबनो नाजायाखै खुंथाइ गोहोनि सोरखारा । तामुलपुर जिल्ला भारत भुटान सिमा साखाथिनि बगाजुलि कालिपुर ओन्सोलनि 6 रोजानिबो बांसिन सुबुंफोरानो आबाद फोथाराव दैनि आंखालजों भुगिनांदों । एसे अखा हायोब्लानो भुटान हाजोनिफ्राय बोहैबोनाय दैया बांबोनानै बगाजुलि कालिपुर फारसे बान्दो थेनानै लाबोनायखौ सिफायलांङो । जायनि थाखाय आबाद फोथारा खरानजों रानलांनो हमदों । गायखानाय माइफोरा रानलांनो हमदों, हाफोरा गावस्रालांनो नागिरदों । से सप्ताहयावनो सानथाम सानब्रैसो बान्दोनि खामानियाव ओंखारनो गोनां जादों । आसाम सोरखार आरो बिटिआर सोरखाराबो रायजोफोरनि बे जेंनाखौ मिथिनानैबो सिरियै दं । नाथाय जेबो रोखोमनि राहा लानो नागिरनायखौ नुनो मोनाखै जायनि थाखाय गोथौयै दुखु मोननायखौ फोरमायथिदों । लोगोसेनो बगाजुलि कालिपुर ओन्सोल रायजोफोरनि बान्दोनि जेंनाखौ गोख्रों राहा लानानै जेंनाफोरखौ फोजोबनो सोरखारनि फारसे खावलायदों बान्दो कमिटिया ।

embankment work in bodoland

LEAVE A REPLY

Please enter your comment!
Please enter your name here