गोदान दिल्ली,6 आगस्ट 2022: अफिसआव खामानि मावनाय समाव जों सम सम टीम लिडारखौ रागा जोङो।नाथाय मोनसे टीमखौ लिड खालामनाया गोरलै बाथ्रा नङा।
टीम लिडार जानो माखासे गुनफोर थानांगौ।बेफोर गुनआ जादों….
- सासे मोजां टीम लिडारनि सिनायथिआ जादों बियो गावनि टीमनि हाबा मावनायखौ मोजाङै बुजिनो हानांगोन।जुदि गावनि टीमनि हाबा मावनायखौ बुजिनो हायाब्ला मोजांङै गावनि टीमनो लामा दिन्थिनो हानाय नङा।
- सासे टीम लिडारा गावनि टीमनि थाखाय बिदिन्थि जानांगौ।गावनि टीमजों जेब्ला नोंथाङा सासे बिदिन्थि दिन्थिनो हायै सुबुं सानजानो नाङा।जुदि टीम लिडार जानानै गावनि हाबा मावनायाव अलसिया दिन्थियोब्ला टीम मेम्बाराबो मोजाङै खामानिखौ मावनाय नङा।
- सासे मोजां टीम लिडारनाव गावनि टीम मेम्बारनि बुंनाय बाथ्राखौ मोजाङै खोनासंनो हानायनि गुन थानांगौ।टीम मेम्बारफोरनि बाथ्राफोरखौ खोनासंनानै अफिसआव माखासे बाथ्राखौ गनायथि होनांगौ।
- टीम लिडारा गावनि टीमनि गेजेराव फारागथि दिन्थिनो नाङा।सासे टीम लिडारा गावनि मावसुमाफोरजों समान आखुथाय दिन्थि नांगौ।
- सासे टीम लिडारा सम सम जेंनाजों मोगा मोगि जानाङो।जेंनाआ नुजाथिब्ला टीम लिडारनाव थाबैनो जेंनाखौ सुस्रांनो हानायनि गोहो थानांगौ।
- सम सम टीमनो मोनसे थांखि लानायखौ थि समाय सिमाआव फुरा खालामनो बाथ्रा बुंनांगौ।जायजों मावसुमाफोरा खामानि मावनो मोजां मोनगोन।लोगोसे टीम लिडाराबो थांखि लानायाव सौहैनो थाखाय मावसुमाफोरखौ हेफाजाब होनांगौ।
