किडनीआव अन्थाय जाब्ला माखासे जाग्रा आदार जानांगौ आरो माखासेखौ जानो नाङा ?

0
163
kidney stone what to eat what not to eat

गोदान दिल्ली,7आगस्ट 2022: सुबुंनि देहाआव अन्थाय जानाया सरासन्स्रा बाथ्रा जाबाय। बे जेंनाखौ थि समाव जाग्रा आदार जायै आरो जानला मोनला जाग्रा आदार जाग्राफोरनाव बांसिन नुनो मोननाय जायो।जाग्रा आदाराव माखासे निउट्रेन्स थायो।जाय उदैआव जमा जानानै अन्थाय सोमजिहोयो।

उदैआव आक्जालेट,केल्शियाम बायदि क्रिस्टल्सआ जमा जानानै गोरा मुवा सोमजियो।बे गोरा मुवाखौनो अन्थाय बुंनाय जायो।किडनीआव जानाय अन्थायखौनो किडनी स्टन बुंनाय जायो।

अन्थाय जानायखौ होबथानायनि राहाफोरा जादों…

  1. अन्थाय जानायखौ होबथानो थाखाय खनले खनले दै लोंनांगौ।सानाव हायोबा 8 गिलास दै लोनांगौ।
  2. किडनी स्टननि बारायनायखौ होबथानो थाखाय हाइ फाइबार थानाय जाग्रा आदारखौ जानांगौ।बेजों किडनीनि स्टन देरनायखौ होबथानो हागोन।
  3. किडनी स्टननिफ्राय रैखाथि मोननो थाखाय साइट्रिक एसिड थानाय फिथायफोरखौ जानांगौ। बेफोर जादों कमला,लेबु,मौसमि फिथाय।साइट्रिक एसिडआव केल्शियाम –अक्जालेटनि जमा जानायखौ होबथानो हानायनि गोहो दं।बेजों किडनी स्टननि जेंनानिफ्राय रैखाथि मोननो हागोन।
  4. नालेंखर बिदैआव फाइबारा गोबां बिबांनि थायो।बेजों अन्थाय जानायाव मुलाम्फा मोनगोन।
  5. बेल फिथाय,बेल बिलाइ,गाजर,भीटनि काड़ा बानायनानै लोंब्लाबो अन्थाय जानायखौ होबथानो हागोन।
  6. मास्कमेलन,मटर,आपेल,अलदत,लाइ आरो नास्पातिआव आक्जालेट आरो सडियामखौ खम बिबांनि मोननाय जायो।बेनि थाखायनो बेखौ डाइटाव लाफादेरनो हागोन।
  7. खुसेरनि जुसआबो किडनीनि स्टनखौ होबथायो।बेनि थाखायनो उदैआव अन्थाय जानायाव बेयो मुलाम्फा गोनां।
  8. अन्थाय जानायनिफ्राय रैखाथि मोननो आक्जलेट,सडियाम आरो केलसियाम गोयै जाग्रा आदारखौ जानांगौ।

किडनीआव अन्थाय जाब्ला माखासे मैगं थायगंखौ जानो नाङा।बेफोर जादों…

  1. टमिथ’,पालं मैगङाव हाइ आक्जालेट थायो। बेनि थाखायनो बेफोर मैगंखौ जानो नाङा।
  2. किडनीआव अन्थाय जाब्ला बादामखौ जानो नाङा।बादामआ अन्थायखौ देरहोनायनि खामानि मावयो।
  3. दावदै ,बेदर आरो नाखौबो किडनीआव अन्थाय जाब्ला जानो नाङा।
  4. गायखेरजों बानायनाय जाग्रा आदाराव केल्सियामा गोबां बिबांनि थायो।बेनि थाखायनो किडनी स्टन जाब्ला गायखेर दाखा आरो माक्खनखौ जानो नाङा।
  5. मुला,गाजर,सामब्राम गुफुर,सामब्राम गोजाआव सडियाम आरो आक्जालेटखौ गोबां बिबांनि मोननाय जायो।बेनि थाखायनो किडनी स्टन जाब्ला बेफोरखौ जानो नाङा।
  6. किडनी स्टन जाब्ला जौखौबो लोंनो नाङा।

(NOTE: बे खौराङा सरासनस्रा खौरां।बेखौ बाहायनायनि सिगां फाहामगिरिनि बोसोन लाग्रो।)

LEAVE A REPLY

Please enter your comment!
Please enter your name here