हादरारि दानाय लुनायनि 8थि सानखौ बाक्सा जिल्लानि बरमायाव फालिदों ।

0
111
Smti. Darshana Jardosh at 8th National Handloom Day

50 कौटि रांनि बाजेतजों फोजौखांगोन बरमानि हेन्डलुम एन्ड टेक्सटाइलखौ ।

हादरारि दानाय लुनायनि 8थि सानखौ बाक्सा जिल्लानि बरमा कारुवाजाननि इन्टिग्रेटेट टेक्सटाइल पार्कयाव सानसेनि हाबाफारिजों भारतनि दानाय लुनाय आरो रेलनि मिनिस्टार दर्सना विक्रम जारदसनि नुजाथिनायाव गाजा गोमजायै फालिदों । बिटिआरनि दाब दाब जिल्लानि 15 रोजानिबो बांसिन दानाय लुनाय खामानिजों लोब्बा थाबोनाय सुबुंफोरा बे हाबाफारियाव बाहागो लादों । आसाम आरो बिटिआर ओन्सोलाव आखाइजों दानाय लुनायखौ जौगाखां होनो आरो बाजाराव फाननो हानायनि राहा खालामना होनो मिरु सोरखारनिफ्राय गोख्रों राहा लानायखौ गाहाइ आलासि महरै बाहागो लानानै मिनिस्टार दर्सना विक्रम जारदसया फोरमायथियो । आरो फैबाय थानाय समाव आसाम आरो बिटिआर सोरखारजों जथाइयै मिरू सोरखारा खामानि मावलांगोन होनना बुंथियो ।

Pramod Boro at 8th National Handloom Day

बेजों लोगोसेनो बिटिआरनि गाहाइ मावफुंगिरि प्रमद बर’या बुंथियोदि बरमानि हेन्डलुम एन्ड टेक्सटाइलखौ 50 कौटि रांनि बाजेतजों जौगाखांहोनो थाखाय थांखि लादों । जेरावनाखि रायजोनि दानाय लुनाय सोलोंथाइनि थाखाय आसामनि साफ्रोमबो सुबुंफोरानो बेवहाय सोलोंथाइखौ लाफैनो हागोन । बिटिआरनि 3 लाकनिबो बांसिन आइजोफोरा आखाइजों दानाय लुनाय खामानियाव लोब्बा थानायफोरखौ मदद खालामनो खोथा होयो गाहाइ मावफुंगिरि प्रमद बर’या । बे हाबाफारियावनो आसामनि हेन्डलुम एन्ड टेक्सटाइल, हा संरैखाथि मन्थ्रि उर्खाव गोरा ब्रह्म, केबिनेट मन्थ्रि जयन्त मल्ल बरुवा, बिटिआरनि लेंङाइ मावफुंगिरि गबिन्द बसुमतारी, MLA लरेन्स इसलारि, भुपेन बर’, बिटिआरनि बुंथिगिरि कातिराम बर’, मावफुं सोद्रोमा धनन्जय बसुमतारी, राकेश ब्रह्म, घनश्याम दास, अरुप कुमार दे, बिटिसिनि प्रिन्सिपल सेक्रटारी अनुराग गयेल, बाक्सा जिल्ला बेंगिरि एम एम पारटिन, एम सि एल ए मन्टु बर’, बिथांमोनजों लोगोसेनो गोबां दैदेनगिरिफोरा बाहागो लादोंमोन ।

8th National Handloom Day Celebration at Baksa

LEAVE A REPLY

Please enter your comment!
Please enter your name here