IPL 2022 नि फाइनाल मेसखौ गुजरात टाइटान्स हान्जाया देरहानानै जारिमिन सोरजिबाय

0
183
Gujarat Titans Won the IPL T20 2022 Final Match

आहमेदाबाद, 30 मे, 2022: हादरनि गेजेराव क्रिकेट गेलेमुखौ जौगाखां होनायनि थांखिजों थांनाय माखासे बोसोरनिफ्राय जरखायै खुंबोनाय IPL टि-20 क्रिकेट बादायलायनायनि बे सिजननि गेलेनाया मैया जोबनानै थांबाय। बे सिजननि इन्डियान प्रिमियार लीग सुंदयै IPL नि जोबथा मेस एबा फाइनाल मेसखौ राजस्तान रयेल्स आरो गुजरात टाइटान्स हान्जानि गेजेराव मोगा-मोगि गेलेयो। गुजरातनि आहमेदाबादआव थानाय नरेन्द्र मडि मटेरा क्रिकेट स्टेडियामआव गेलेनाय IPL 2022 नि फाइनाल मेसआव गुजरात टाइटान्स हान्जाया 7 उइकेटआव राजस्तान रयेल्स हान्जाखौ फेजेन्नो हादों। मखनो गोनांदि, फाइनाल मेसखौ गेलेनायनि सिगां टसआव देरहानानै राजस्तान हान्जाया सिगां बेटिं खालामनो सायखना लानानै 20 अभाराव गासै 131 राननि टार्गेटखौ गुजरात हान्जानो होयो।

फारसेथिं, राजस्ताननि सिगां बेटिं खालामनानै टार्गेट होनाय रानखौ रुजुनो थांखिजों गुजरात टाइटान्सआ सिगांनिफ्रायनो गोख्रों गेलेनानै शुभमन गिल आरो हार्दिक पान्देयानि रान खालामनाय हेफाजाबजों देरहानो हायो। जेराव, केप्टेइन हार्दिक पान्देयाआ 34 रान आरो शुभमन गिलआ 45 रानखौ खालामनो हानानै गुजरात हान्जानि देरहानायाव गोनांथार बिहोमा होनो हादों। फाइनाल मेसखौ देरहानो हानायजों हार्दिक पान्देयानि दैदेन्नाय गुजरात टाइटान्स हान्जाया ट्रपिखौ आजावनानै गोबां रंजाखाङो। मानोना IPL नि गेलेनाय जारिमिनआव गुजरात टाइटान्स हान्जाया गिबि खेब देरहानो हादों। गुबुन फारसेथिं, राजस्तान रयेल्स हान्जानि IPL फाइनालखौ नैथि खेब देरहानो थांखि लानाया फेलें जानायाव गेलेगिरिफोरा दुखुजों गोसो बायग्लिनायखौ नुनो मोन्दों।

LEAVE A REPLY

Please enter your comment!
Please enter your name here