मेघालयाआव थाद’नाय गैयै अखा हानायनि जाहोनाव हा गिसिखानानै सा 4 सुबुंनि जिउ खहा।

0
136
Meghalaya-Flood-Landslide

गुवाहाटी, 9 मे 2022: सा- सान्जा भारतनि मेघालया रायजोआव जुब-जुब अखा हानायनि जाहोनाव गिख्रंथावयै हा गिसिखादों। हा गिसिखानानै सा 4 सुबुंनि जिउआ खास्रि बिस्रियै खहा जादों। बे दुखुनांथाव जाथाइया मेघालयानि गार’ हाजोआव जादों। मिथिनो मोननाय बायदिब्ला, सासे बिफा आरो फिसाज्लाया बे जाथाइनिफ्राय खुनु रुखुमै बारगनो हादों नाथाइ बे समाव जोबोर गोब्राब थासारिआव देहा फाहामसालिआव फाहामथाइ लागासिनो दङ। बे दुखुनांथाव जाथाइनि जाहोनाव मोनसे नख’रनिनो सा 3 सोद्रोमा आरो गुबुन सासे उन्दै गथ’साया गुबुन गुबुन जायगायाव हाजों फबसिनजानानै जिउ गोमानो गोनां जादों। सोनाब गार’ हाजोनि गामबार्ग ओनसोलाव मोनसे नख’रनिनो सा 3 सुबुं आरो 2 बोसोरनि सासे उन्दै गथ’साया खोला सोनाब गार’ हाजो जिल्लायाव हाजों फबसिनजानानै जिउ गोमानांदों।

थांनाय बुधबारनिफ्राय ओनसोलाव थादनाय गैयै अखा हाबाय थानायनि जाहोनाव हा गिसिखानाय जाथाइया सोमजियो। जिउ गोमानाय सा 3 सुबुंनि मुंखौ Pritish Marak (mother), Almost Marak (son) आरो Aianbe Marak (daughter) होन्नानै मिथिनो मोन्नाय जादों। बिफा Sengrik Sangma आरो फिसाज्ला Thobias Marak आ खुनुरुखुमै जिउ ऱैखा मोनदों नाथाइ बे समाव बिसोरबो देहा फाहामसालियाव गावसिनि जिउजों जुजिनांगासिनो दङ। बेराफार्सेथिङै 2 बोसोरनि Tanush Hajong मुंनि उन्दै गथ’सायाबो हा गिसिखानानै नआ बायसिन्नायनि जाहोनाव दुखुनांथावयै जिउ गोमानाङो।

LEAVE A REPLY

Please enter your comment!
Please enter your name here