मेघालयानि सनापुरनि हां सिंनि लामाया खुलिफिनबाय।

0
120
Sonapur tunnel road reopen

गुवाहाटी, 21 जुन, 2022: सा सान्जा भारतनि मेघालया रायजोनि सिङाव थानाय सनापुर हा सिंनि लामाया गोलाव सम जुब जुब अखा हानायनि जाहोनाव हा गिसिखानानै बन्द जानानै दंमोन। बोथोरा एसे मोजाङाव फैनायनि उनाव सान्जा जयन्तिया हाजोनि जिल्ला बेंगिरिआ थांनाय समबाराव लामानि खुलिफिन्नायखौ मिथिहोयो। नाथाइ खुलिफिन्नानै होदोंब्लाबो नाङा फाङा दावबायनो नाङा होनना बादा होदों। मानोना थांनाय समबाराव फिन खेबसेबाव हा गिसिखानानै जेंना सोमजिफिन्नायखौ नुनो मोन्दों।

मिथिनो मोन्नाय बायदिब्ला गोबां अखा हानायनि जाहोनाव सान्जा जयन्तिया जिल्लायाव गोबां हा गिसिखानाय जाथाइया सोमजिदों। जायनि जाहोनाव सनापुर हा सिंनि लामाया बन्द जानो गोनां जायो। बेनि अनगायैबो माखासे ओनसोलनि लामाखौ हा गिसिखानायनि जाहोनाव फारसेल खारहोनाय जादों। थांनाय रबिबाराव हा गिसिखानायखौ साफा खालामदोंमोन नाथाइ फिन खेबसेबाव समबाराय जेंनाया नुजाथिबावदों। थांनाय 48 घन्टायाव सान्जा जयन्तिया हाजो, सोनाब जयन्तिया हाजो आरो सान्जा कासि हाजो जिल्लाफोरा हा गिसिखानायजों गोहोम गोग्लै जादों। बेनि अनगायैबो बे बोसोराव मेघालयाआव दै बाना आरो हा गिसिखानाया गासै 27 सुबुंनि जिउखौ खहा खालामदों होन्नानै मिथिनो मोन्नाय जादों।

LEAVE A REPLY

Please enter your comment!
Please enter your name here