गोदान दिल्ली, 31 जुलाइ 2022: नासानि James Webb Telescope आ मुलुगनाङैनि बिगियानगिरिफोरखौ फिन खनसेबाव गोमो होबावदों। मानोना James Webb Telescope आ बयनिख्रुइबो गिबिसिन Supernova खौ सं दाननानै दिहुनदों। बिगियानगिरिफोरा बुंदों बे संदाननायजों स्पेस साइन्स सेक्टराव रिचार्स खालामनायनि मोनसे गोदान बिथिंखौ मोननो हादों। James Webb Telescope आव लागायनाय एडबान्स केमेराआ बुहुमनिफ्राय 3-4 आरब सोरां बोसोर गोजानाव थानाय मोनसे गोमोथाव सोरांखौ नुदों आरो बे सोरांनि सावगारिखौ सेबखांनानै बिगियानगिरिफोरनो दैथायहरदों।
रिपर्टनि बायदिब्ला, James Webb Telescopeनि सायाव खामानि मावनाय टीमआ बे सोरांखौ गेलेक्सी SDSS.J141930.11+5251593 आव नुदों। बे सावगारिनि सायाव खामानि मावनाय बिगियानगिरिफोरा फोरमायदों 5 सानसिम बे सोराङा जोंखोलयैनो थाबाय थायो आरो बेखौ Supernova होननानै मानिनानै लानाय जादों। Supernova बेरफ्रुनायखौ James Webb Telescope आ केमेराआव सेबखांनानै लादों आरो बेनि सोरांखौ बिगियानगिरिफोरा आर्काइब डेटाजों रुजुदों।बे सोरांनि नायबिजिरनायनि फिथाया फैनायनि उनाव बेखौ सोमोनांथाव सं दाननाय होननानै बिगियानगिरिफोरा फोरमायदों।
Supernova खौ माबेबा थैनाय ग्रहआ बेरफ्रुनायखौ बुङो। जुदि माबेबा मोनसे ग्रहनि गोहोआ खम जालांब्ला बे ग्रहआ बेरफ्रुयो।मख’नो गोनांदि Supernova खौ सं दाननाया मोनसे गोब्राब खामानि ।मानोना बेनि बेरफ्रुनाया एसे सेकेन्डसिमल’ जायो। बेरफ्रुनायजों सोमजिखांनाय मैला आरो गेसआबो माखासे साननि उनाव लासै लासै जोबस्रालाङो।
