Friday, December 1, 2023

माखासे गोरोन्थि खालामब्ला हारा बेगेङा लोरबां जानो हागौ।

गोदान दिल्ली,4 आगस्ट 2022: खामानि मावनाय आरो खारला-खारलि खालामनाय समाव देहानि जरा जरा बाहागोआव सादोंब्ला,बेयो हारा बेगेङा लोरबां जानायनि नेरसोन जानो हागौ।बिजि जिउ खुंनायनि जाहोनाव सुबुंफोरनि जरा जरा सानाय सुनाय जानाया बांलांदों।आगुनि समाव 50 बोसोरनि उनावसो हारा बेगेंनि सानाय सुनाया सिखाङोमोन।नाथाय आथिखालाव उन्दै उन्दै गथ’फोरनिफ्राय लानानै लाइमोन सुबुंफोरनावबो हारा बेगेंनि सानाय जुनाया सिखांदों।

माखासे जाहोनफोरनि थाखाय हारा बेगेङा लोरबां जानो हागौ…

  1. सिगारेट सोबनाय आरो जौ लोंनायजों हारा बेगेंआ लोरबां जायो।बे मोननैबो संप्ल आरो किडनीआव गाज्रि गोहोम खोख्लैयो।जायजों हारा बेगेंआ लासै लासै लोरबां जायो।बेनि थाखायनो सिगारेट सोबनाय आरो जौ लोंनायनिफ्राय जेसेबां हायो एसेबां जानगाराव थानांगौ।
  2. गाहाम देहानि थाखाय मोजाङै उन्दुनाय आरो देहाखौ लोर-सोर खालामनाया गोनांथार। हरयाव 7-8 घन्टा उनदुनांगौ।जुदि 7-8 घन्टा उन्दुनायनि अनगायै मबाइलखौसो नायबाय थायोब्ला हारा बेगेङा लोरबां जानो हागौ।हारा बेगेंखौ मोजाङै लाखिनो थाखाय मोजाङै उन्दुनाय आरो नेम खान्थि बायदियै ब्याम खालामनाया गोनांथार।जुदि बेबायदि खालामाब्ला हारा बेगेंआ लोरबां जानो हागौ।
  3. माखासे सुबुंफोरा नाइट शिफ्ट खालामो आरो सानावसो उन्दुयो।बेबायदि समाव बिसोरो सान रोदानि सोरांखौ मोननो हाया। सान रोदानि सोरांनिफ्राय Vitamin D खौ मोननो हायो।जाय देहाआव केल्सियाम खम जानायखौ जानगार खालामो। देहाआव केल्सियामआ मोजां बिबांनि थायोब्ला हारा बेगेंआ गोख्रोङै थायो। बेनि थाखायनो नाइट सिप्टआ जोबनायनि उनाव सानाव 1 घन्टा थाबाय नांगौ।बेबायदि खालामब्ला हारा बेगेंआ गोख्रोङै थागोन।
  4. गायखेर,दावदै आरो केल्सियाम गोनां जाग्रा आदारखौ जायाब्लाबो देहानि हारा बेगेङा लोरबां जायो।जुदि गायखेरखौ लोङाब्ला हारा बेगेङा लोरबां जानायनि चान्सआ बांसिन थायो।बेनि थाखायनो सानफ्रामबो गायखेरखौ लोंनांगौ।
  5. संख्रिखौ नांगौनिफ्राय बांसिन जाब्लाबो देहानि थाखाय खहा गोनां जानो हागौ।बांद्राय संख्रि जाब्ला हारा बेगेंनि बन डेन्सिटीआ खम जानो हागौ ।संख्रिआव सडियामआ बांसिन थायो। जाय देहाआव केल्सियामखौ खम खालामो।बेनि थाखाय संख्रिखौ एसेल’ बिबांनि जानांगौ।

(Note: बे खौराङां सरासन्स्रा खौरां।बे खौरांखौ बाहायनायनि सिगां फाहामगिरिनि बोसोन लाग्रो)

BODOLAND रादाब
BODOLAND रादाबhttp://bodolandradab.in
Bodoland Radab Headquarter in Kokrajhar town of BTR, Assam is the Number 1 Bodo News Portal of Bodoland (Officially BTR).

Related Articles

LEAVE A REPLY

Please enter your comment!
Please enter your name here

Stay Connected

311,000FansLike
2,714FollowersFollow
203,000SubscribersSubscribe

Latest Articles