गोदान दिल्ली, 20 आगस्ट 2022 : मुम्बाइ पुलिसनि ट्रेफिक कन्ट्रल रुमाव हुमखि होनाय फन फैदों।फन हरनायाव बुंदों मुम्बाइआव 26/11 बायदि फिन खनसेबाव गाग्लोबनाय जागोन।बे फनखौ गुबुन हादतनिफ्राय हरनाय जादों। बेजों लोगोसेनो Whats App नि गेजेरजोंबो हुमखि होनाय मेसेज हरनायखौबो मोनदों।
हुमखि होनाय बे मेसेजखौ गुबुन हादतनि नम्बरजों दैथायहरनाय जादों।मेसेजाव लिरदों “गोजोन हामलायथि”,मुम्बाइयाव फिन खनसेबाव गाग्लोबनो नागिरदों।बे गाग्लोबनाया 26/11 समनि गाग्लबनायखौ गोसो खांहोगोन आरो सा 6 सुबुंफोरा भारतआव बे गाग्लोबनायखौ जाफुंसार होगोन। हुमखि होग्रा सुबुङा मेसेजाव लिरबावदों मुम्बाइआव फैनो थियारि जाबाय।आं पाकिस्ताननि सुबुं।जुदि लकेसनखौ ट्रेस खालामनो नाजायोब्ला बायजोनिखौसो मोनगोन।मानोना जोंना थि थाग्रा खुलि गैया।
हुमखि हरग्राआ माखासे नम्बरखौबो शेयार खालामदों।बे नम्बर शेयार खालामनायाव भारतनि नम्बरबो दं।मेसेजाव उदयपुराव खर’ दानस’नानै आलादा खालामनाय बायदि जाथायबो जानो हागौ होननानै फोरमायदों।बे केसखौ मुम्बाइ पुलिसआ नायबिजिरगासनो दं।लोगोसेनो गुबुन एन्जेसिनोबो बिनि खैरांखौ होदों।
