तामुलपुर जिल्लायाव साननैनि हाबाफारिजों “आबादारि मेला” खुंफुंदों ।

0
131

तामुलपुर जिल्लायाव साननैनि हाबाफारिजों बिटिआर आबादारि बिफाननि बानजायनायाव “आबादारि मेला” खुंफुंदों । आबादफोरखौ बिगियान आइदाजों मावनानै माबोरै मोजां फिथाइ दिहुननो हागोन बेनि फोरोंथाइ होनानै तामुलपुर जिल्लायाव बे आबादारि मेलाखौ खुंफुंनाय जायो । बिटिआर आबाद बिफाननि मावफुं सोद्रोमा घनश्याम दासा बुंथियोदि जायफोर सुबुंफोरनि आबादफोरा एम्फौ जानायजों खहा जालांदों एबा बेराम नांदों बिथांमोनहा जिल्लानि आबादारि मावखुलियाव फैनानै थोंजों जगाजग खालामनो नांगौ, माइ आबादफोरा गाज्रि जालांनायफोरखौ होबथानो मुलि होनाय आरो भिटामिन होनायनि राहा खालामनाय जायो । बेजों लोगोसेनो आबाद फोथाराव दैनि जगायथाइ होनो थाखाय बिटिआरनिफ्राय सलार पाम्प फैगासिनो दं बेखौ साबसिडि होनानै आबादारिफोरा मावफुंनानै लानो नांगौ होनना फोरमायथियो । बेनि अनगायैबो बिटिआरनि मावफुं सोद्रोमा रनेन्द्र नार्जारियाबो जाफुंसार आबाद मावनो हानाय बादियै गोबां मेहेरगोनां बाथ्राफोरखौ मेलनि गेजेरजों बुंथियो । बायदि रोखोमनि आबाद मावनाय दिन्थिफुंनाय, फोरोंथाइ होनाय, जोलै फाननाय, बिफां लाइफांनि फुलि फाननायजों तामुलपुर जिल्लायाव आबादारि मेलाखौ खुंफुंनाय जादों ।

LEAVE A REPLY

Please enter your comment!
Please enter your name here