Warren Buffett आ दोहोनि जानायनि मोननै मन्थ्र होदों।

0
170
Warren Buffett

गोदान दिल्ली,30 जुलाइ 2022: Warren Buffett आ मुलुगनि सासे दोहोनि सुबुं। बियो गोबां दान होनायनि थाखायबो मुंदांखा। बियो गाव थैनायनि उनाव गासिबो सम्पतिफोरखौ दान होगोन होननानै बाथ्रा फोसावखांबाय। बियो ससियेल मीडियाआव मोनसे मेसेज लिरदों, जेराव बियो मुलुगनि लाइमोनफोरनो दोहोनि जानायनि मन्थ्र होदों।

Warren Buffett आ ससियेल मीडिया प्लेटफर्म लिंक्डइनआव सेयार खालामनाय मोनसे पष्टआव दोहोनि जानायनि गोरलै मन्थ्रखौ होदों। बेखौ गासिबो सुबुंफोरा आजावना लानो हागोन। बियो पष्टआव लिरदों जुदि गावनि बेलु एबा गुनखौ मुलुगआव बांहोनो गोसो जादोंब्ला मोननै गाहाय थासारि सायाव नोजोर होनांगौ।

  1. मोनसेआ जादों मोजाङै लिरनाय आरो बाथ्रा बुंनाय।
  2. गुबुन मोनसेआ जादों सुबुंफोरजों मोजाङै सोमोनदो लानानै बाथ्रा रायज्लायनाय।

जुदि बे मोननै गुनआ थायोब्ला गाव गावनि बेलु एबा गुनखौ 50 जौखोनदो बांहोनो हागोन। नाथाय बे मोननै गुनआ गैयाब्ला सुबुङा जौगाखांनो हानाय नङा।

Warren Buffett आ बुंबावदों मोजाङै सोमोन्दो लानानै बाथ्रा रायज्लायनो हायाब्ला, खोमसिआव थानानै सासे आयजोखौ मेगनजों इसारा होनाय बायदि फोरमान जागोन। नोंथांनाव मुलुगनि गियान दंब्लाबो, बे गियाना सुबुंफोरनिसिम सौहैब्ला मुलाम्फा गोयै जागोन।

मख’नो गोनांदि Warren Buffett आ शेयार बाजारनि सासे राजा।बियो शेयार बाजारनिफ्राय आरब रां खामायदों।मुलुगनि दोहोनि सुबुंफोरनि फारिलाइाव बियो 7थि नम्बराव दं। 91 बोसोर Warren Buffett नि टटेल नेटवार्टआ 99.8 बिलियन डलार। बियो चेरिटिनि थाखाय बोसोरफ्रामबो Buffet Power Lunch नि हाबा फारिबो खुङो।

LEAVE A REPLY

Please enter your comment!
Please enter your name here