गुवाहाटी, 6 जुन, 2022: आसामनि गिबि मन्त्रि ड. हिमन्त बिस्व शर्मानि रैखाथिनि गारिखौ उन्थिंजायनिफ्राय सा 1 लाइमोना बारसदों । बे जाथाइआ गुवाहाटी नोगोरनि मालिगावआव जादों । बे जाथाइजों लोब्बा थानाय लाइमोनखौ पुलिस बिफाना हमबाय होननानै मिथिनो मोन्दों । हमजानाय लाइमोना साखा खबनै गारि एबा बाइकजों गिबि मन्त्रिनि गारिखौ बारसदोंमोन । गारिनि रेजिसट्रेसन नाम्बारखौ AS 01E Y 7674 होननानै मिथिनो मोन्दों । मालिगावआव लाइमोना मोनानि समाव गिबि मन्त्रिनि गारिखौ बारस’नानै सालायदोंमोन । उनाव जालुकबारि पुलिस बिफाना बे खौरांखौ मोननानै लाइमोनखौ गिबि मन्त्रिनि रैखाथि गारिखौ बारस’नायनि दायआव हमो । थांनाय रबिबारनि मोनायाव लाइमोना पुलिस बिफानजों हमजायो । हमजानाय लाइमोननि मुङा नारायन सरकार (21) । मख’नो गोनांदि जालुकबारि पुलिस बिफाना मानसिजों लोगोसे बाइकखौबो हमदों ।
