गोदान दिल्ली,27 जुलाइ 2022: बुहुमनि सोमोनदै सोमोनांथाव बाथ्राफोरखौ खोनानो मोनयो।माखासे बिगियानगिरिफोराबो बेनि सोमोनदै बुजिनो नाजायो।बिगियानआव टाइम ट्रेबेलिंनि सोमोनदै मख’नाय दं।नाथाय बेनि सोमोनदै जेबो रोखा फोरमान गैया।माखासे बिगियानगिरिफोरा टाइम ट्रेबिलिंखौ हमदांनानै लादों।टाइम ट्रेबिलिंखौ सुबुंफोरा इयुननि समाव गोरलैयैनो बानायनो हागोन होननानैबो बिगियानगिरिफोरा फोथायदों।
बेनि गेजेराव गावखौनो टाइम ट्रेबिलिं फोरमायग्रा सुबुङा गोमोथाव बाथ्रानि दाबि दैखांदों।बियो बुंदों बुहुम सायाव साननि सोरां रोदाआ बेरफ्रुगोन। बे बेरफ्रुनायनि उनाव बुहुम सायाव “सुपार हिर” आरो “सुपारबिलेन” जोनोम जागोन।
रिपर्टनि बायदिब्ला,टाइम ट्रेबलारआ सुबुंफोरनो साग्रांथि होदों।बियो बुंदों बे गिख्रंथाव बेरफ्रुनाया 14 नबेम्बर 2022 माइथायाव जागोन।जेब्ला बुहुम सायाव सान रोदाआ बेरफ्रुगोन ,अब्ला सा 10 सुबुंफोरा सुपारपावारखौ मोनगोन।बियो दाबि दैखांबावदों बे बेरफ्रुनायजों जाय सुबुंफोरनाव गाज्रि गोहोम गोग्लैगोन,बिसोरो टेलिकिनेसिसनिफ्राय लानानै गोबां सहायनो हानाय गोहोखौ मोनगोन।नाथाय बिसोरो बे गोहोखौ मोजां खामानिनि थाखाय बाहायनाय नङा।
