गोदान दिल्ली,26 जुलाइ 2022: NASA आ अख्रांमा संदाननायखौ लानानै गोबां सांग्रां जादों। NASAआ अख्रांमाआव माबेबा नङा माबेबा जाहोननि थाखाय अभियान खालामबाय थायो। मंगल ग्रह,अखाफोर आरो अख्रांमाजों सोमोनदो थानाय माखासे खौरांफोरनि थाखाय नासाआ यानखौ दैथाय हरबाय थायो।
बेबायदिनो बावयैसो सान सिगां NASA आ फिसा ग्रह बेनुआव OSIRIS-Rex यानखौ दैथायहरदोंमोन। जेब्ला बे यानआ बेनु ग्रहआव बाग्लायो अब्ला सोमोनांथाव खौरांखौ मोननाय जादों। बेबायदि खौरांखौ मोननानै बिगियानगिरिफोराबो गोमोदों।
रिपर्टनि बायदिब्ला, OSIRIS-Rex याननिफ्राय दैथाय हरनाय डेटानिफ्राय मोनथिनो मोनदों बुहुमनि रुजुनायाव बेनु ग्रहआव गरमआ बांसिन जायो। बे ग्रहनि अन्थायफोरा 10,000 निफ्राय 1,00,000 बोसोरावनो गावस्राजोबयो।इउनिभार्सिटी कटे डी जुर’ फ्रान्सनि गागि बिबानगिरि मार्क डेब्लआ बुंदों सरासनस्रा सुबुंफोरनि जिउआव 10 हाजार बोसोर समा गोबां गोलाव सम जायो।नाथाय हा-सा बाहागोनि बिगियानगिरिफोरनि महरै बे समा गोबां खम सम जायो।
बिगियानगिरिआ फोरमायबावदों बेनु ग्रहखौ लानानै माखासे मख’जाथाव खौरांखौ मोनबावदों।बे ग्रहआव सान हरनि चक्रआ 4 घन्टा 18 मिनिटनि गेजेरावनो फुरा जायो।साननि समाव बेनु ग्रहनि बिदुङा 127 डिग्री सेल्सियास आरो हरनि समाव माइनास 23 डिग्री सेल्सियास जायो। बिदुङां गोबां गोख्रैयै सोलायनायनि थाखाय बे ग्रहनि अन्थायफोरा थाबैनो गावस्राजोबयो।
NASA नि बिगियानगिरिफोरा बेनु ग्रहनिफ्राय यानआ दैथाय हरनाय सावगारि आरो गुबुन गुबुन खौरांफोरखौ नायबिजिरगासिनो दं।बिगियानगिरिफोरा दाबि दैखांबावदों बे यानआ फैगौ 2030 माइथायाव बेनु ग्रहनिफ्राय माखासे नमुनाखौ लानानै बुहुमाव फैफिनगोन।