भारतारि बोथोर बिफानआ आसाम आरो मेघालय राइजोयाव गोजा गाबनि रैखाथि फोसावदों ।

0
249

गुवाहाटी, 14 जुन, 2022: आसाम हादरसायाव आथिखालाव जुब-जुब अखा हागासिनो दं । अखा हानायनि गेजेरावनो गोबां जायगाफोराव दैबाना आरो हा गिसिखानायनि जेंनाजों थागिबि सुबुंफोरा भुगिनांनो गोनां जादों । बेखौ बिथा खालामनानैनो भारतारि बोथोर बिफानआ नायबिजिरनायनि गेजेरजों सिग्रांग्रो हमदांनो हादोंदि, आसामजों लोगोसे भारतनि सा-सानजा ओनसोलनि गुबुन गुबुन जायगाफोराव 17 जुनसिम गोबां बिबांनि अखा हानो हागौ । जायनि थाखाय भारतारि बोथोर बिफानआ आसाम आरो मेघालय राइजोआव गोजा गाबनि रैखाथि फोसावदों ।

भारतारि बोथोर बिफाननि बादिब्ला, आसाम आरो मेघालयनि गुबुन गुबुन ओनसोलफोराव जुन दाननि 13 खालारखालि 24 घन्टानि गेजेरावनो 100mm निफ्राय लानानै 250mm आरो 300mm अखा सिम हादों । आसाम आरो मेघालयआव मंगलबार, बृहस्पतीबार आरो सक्रुबारआव गोजा गाबनि रैखाथि होनायजों लोगोसेनो अरुणाचल प्रदेशआवबो 17 खालारसिम कमला गाबनि रैखाथि होदों । आसाम आरो मेघालय राइजोआवबो अखा हानायजों लोगोसेनो गोब्राब अखा मोफ्लामनाय आरो सारअन्थाइ गावनाय सोमजिनो हागौ होनना सिगांग्रो रैखाथि होदों बोथोर बिफानआ ।

LEAVE A REPLY

Please enter your comment!
Please enter your name here