रासियाआ इन्टारनेसनेल स्पेस स्टेसननिफ्राय बायजोआव थानो बाथ्रा फोसावबाय।

0
202
Russian Space Station

गोदान दिल्ली,28 जुलाइ 2022: रासियाआ इउक्रेननि सायाव गाग्लोबनाया दासिमबो बन्द जायाखै।बेनि गेजेराव रासियाआ गिदिर बाथ्राखौ फोसावदों।रासियाआ बुंदों 2024 माइथायनि उननिफ्राय गावसोर इन्टारनेसनेल स्पेस स्टेसननिफ्राय बायजोआव थासिगोन आरो गावसिनिनो मोनसे गोदान स्पेस स्टेसन बानायनि सायाव नोजोर होगोन।बे बाथ्राखौ रासियानि Roscosmos नि गाहाय युरि बरिसबआ बुंदों।मख’नो गोनांदि Roscosmos आ रासियानि अख्रांमा मिरु एबा स्पेस स्टेसन।

बरिसबखौ रासिया सरकारा बे दाननि जागायजेननायाव Roscosmos नि गाहाय बिबानगिरि महरै थिसनदोंमोन।
बियो रासियानि हादतगिरि ब्लादिमीर पुतिनजों लोगोसे मोनसे जथुमा खुंनानै सावरायनायाव बुंदों रासियाआ इन्टारनेसनेल स्पेस स्टेसनखौ नागारनायनि सिगां बेनि गासिबो बिबानखौ मावफुंजोबगोन।

बरिसबआ बुंबावदों 2024 माइथायनि उनाव स्पेस स्टेसनखौ नागारनो थांखि लादों।बे समसिमाव रासियाआ गावनि गोदान स्पेस स्टेसनखौ बानायगोन।मख’नो गोनांदि 1998 माइथायाव इन्टारनेसनेल स्पेस स्टेसननि गिबि कम्पनेन्टआ लन्स जानायनि उननिफ्रायनो रासियाआ बे प्रजेक्टनि गाहाय बाहागोमोन।

बेबायदि बाथ्राखौ फोसावनायाव रासिया आरो सोनाब हादतनि गेजेराव जेंना सोमजिदों।मस्क आरो वासिंटननि गेजेराव जेंना सोमजिब्लाबो Nasa आरो Roscosmos आ बे दाननि जागायजेननायाव अख्रांमा दावबायारिफोरनि थाखाय रासिया रकेटखौ लाखिलांनो थाखाय मोनसे रादाय खानायनि सायाव मुं सायदोंमोन।

LEAVE A REPLY

Please enter your comment!
Please enter your name here