गुवाहाटी, 12 जुन, 2022: आसामाव पुलिस बिफाना सिग्रोमनायनि गेजेरजों गोबां बिबांनि भां बिलाइनि फेग्रा मुवाखौ हमनो हादों। गंसे गारिनिफ्राय बे फेग्रा मुवाखौ हमनो मोन्दों। फेग्रा मुवाजों लोगोसे सासे गारि सालायगिरिखौबो हमनो मोन्दों। थांनाय सनिबारनि बेलासियाव बे फेग्रा मुवाखौ हमनो हायो। करिमगन्जनि चारिदुवारआव फेग्रा मुवाखौ हमनो मोनो। बे फेग्रा मुवाखौ गुबुन रायजोनिफ्राय लाबोदोंमोन होन्नानै मिथिनो मोन्नाय जादों। गासै 1480 किलग्रामनि फेग्रा मुवाखौ सिग्रोमनायनि गेजेरजों रैखाथि बिफाना बोखांनो हायो। गंसे मुवा आरो बेसाद रोगाग्रा गारिनिफ्राय फेग्रा मुवाखौ बोखांनो हादों।
सिग्रोमनायनि गेजेरजों आसामनि पुलिस बिफाना गासै 1480 किल’ग्राम फेग्रा मुवाखौ गासै मोन 74 पेकेतनि फेग्रा मुवाखौ बोखांनो हायो। बे खौरांखौ मिथिनो मोन्नानै आसामनि गिबि मन्त्रि ड. हिमन्त बिस्व शर्माया गावनि टुइटारनि गेजेरजों फोरमायनानै होनायखौ नुनो मोन्दों। आरो आसाम पुलिसखौ सिग्रोमनाय हाबाखौ मावफुंबाय थानो बिथोन होदों। मखनो गोनांदि थांनाय दानावबो पुलिस बिफाना सिग्रोमनायनि गेजेरजों 1183 किल’ग्राम फेग्रा मुवानि गान्जाखौ गंसे ट्राकनिफ्राय करिमगन्जआव हमनो मोन्दोंमोन आरो आयेन बेरेखा हाबाजों लोब्बा थानाय गारि सालायगिरिजों लोगोसे सानै 2 दाय होजानाय सुबुंखौबो हमनो हादोंमोन।
