जम्मु आरो कासमिर, 12 जुन, 2022: जुम्मु आरो कासमिराव रैखाथि बिफाननि मोनसे गिदिर जाफुंसारनाय। पुलिस बिफाना सं दान्नायनि गेजेरजों सा 3 उदखारि हान्जानि सोद्रोमाफोरखौ गावथारनो हादों। बे जाथाइआ पुलवामाआव जादों। मखनो गोनांदि, बे थावनियाव थांनाय माखासे बोसोर सिगां भारतनि रैखाथि हान्जाखौ बमाजों गाग्लोबनानै जिउ फोजोबदोंमोन। कासमिर जन पुलिस बिफाना टुइटारनि गेजेरजों बे बाथ्राखौ फोरमायनानै होदों। बिथांमोना फोरमायनाय बायदिब्ला, सा 3 उदखारिफोरा ओनसोलनिनो थागिरि आरो बिसोर Lashkar-e-Taiba (LeT) उग्रपन्ति हान्जाजों लोब्बा गोनांमोन। बिसोर सा 3 उदखारिफोरखौ ड्राबगामआव इनकान्टार खालामदों होन्ना मिथिनो मोन्दों।
जिउ गोमानाय सासे उदखारिखौ Junaid Sheergojri होन्नानै सिनायथि मोन्नाय जादों। बियो Reyaz Ahmad मुंनि सासे रैखाथि बिफाननि मावसुमाखौ थांनाय 13 मेआव बुथारनायजों लोब्बा दंमोन होन्ना मिथिहोदों। कासमिर पुलिस बिफाननि IGP Vijay Kumar आ गुबुन सा 2 जिउ गोमानाय उदखारिफोरखौ Fazil Nazir Bhat आरो Irfan Ah Malik होन्नानै मिथिहोदों। बेनि अनगायैबो, उदखारिफोरनि आखायनिफ्राय 02 AK 47 rifles आरो गं 01 pistol जों लोगोसे माखासे बेरफुग्रा मुवा बेसादफोरखौबो बोखांनो हादों होन्नानै फोरमायनानै होदों।
