बङाइगाव जिल्लानि जिल्ला बेंगिरिआ जिल्लानि सिङाव Cr.PC नि 144 Section खौ फोसावनानै होदों।

0
101
144 Cr. PC declared bongaigaon

बङाइगाव, 12 जुन, 2022: बङाइगाव जिल्लानि जिल्ला बेंगिरिआ Cr.PC नि 144 Section खौ फोसावनानै होदों। जिल्लानि सिङाव थानाय रायजो राजाफोरनि गोजोन आरो सान्तिखौ नोजोर होनानै बे आयेनखौ फोसावदों। हादरनि गुबुन गुबुन ओनसोलाव हिंसायारि जाथाइ सोमजिनाय आरो माखासे आफादफोरा हेंथा खालामनानै हान्जा सुरनाय जाथाइखौ नोजोर लाखिनानै आयेनखौ फोसावनाय जादों होन्नानै मिथि होदों जिल्ला बेंगिरिआ। हादरनि गुबुन गुबुन जायगा जेरै रान्चि, कच बिहार, जम्मु आरो कासमिर, कानपुर, प्रयागराज जिल्लाफोराव दासान्दि माखासे हिंसायारि जाथाइफोरा सोमजिनानै ओनसोलाव गोजोन आरो सान्ति गैयै थासारि सोमजि होगासिनो दङ। बङाइगाव जिल्लायावबो जाहाते बिबायदि हिंसायारि जाथाइ सोमजिया बेखौ नोजोर होनानै बे होबथानाय आयेनखौ फोसावानानै होदों।

जिल्लानि जिल्ला बेंगिरि स्रि पंकज सामुवा ACS बिथाङा बे आयेनखौ फोसावनानै होदों। फोसावबिलाइनि बायदिब्ला, जेब्लासिम आयेनखौ बोखांनानै लाफिना अब्लासिम बे आयेना सोलिबाय थागोन। बे आयेननि गेजेरजों जिल्ला बेंगिरिनिफ्राय सिगां गनायथि लायाजासे मेल खुंनाय, गुबुननि धोरोमखौ दुखु फोनांनो थाखाय गोबारै दामग्रा आगजु बाहायनानै बिबुंथि लाखिनाय, सा 5 सोद्रोमानि बांसिन रायजोनि जायगायाव जमा जानाय, गुबुन हारिनि सुबुंनि हेंथायै हान्जा सुरनाय आरो गासैबो रोखोमनि दान बिनायखौ बन्द खालामनानै होदों। नाथाइ, बे आयेना हाथाइ बाजार, गेलेग्रा फोथार, रेलवे स्तेसन, बास्तेन, सरासनस्रा खामानि मावनाय जायगा आरो हाबाफोराव जमा जानाय सुबुंफोरखौ रेहाय होदों। आरो जाय सुबुंङा बे आयेनखौ गनायनानै सोलिया बिसोरनि हेंथायै IPC नि 188 SECTION आरो गुबुन सोमोन्दो गोनां आयेननि गेजेरजों साजा मोनगोन।

144 Cr. PC declared bongaigaon

LEAVE A REPLY

Please enter your comment!
Please enter your name here