KAAC बिसाइख’थियाव BJP हान्जाया 26 मासिनि गेजेराव गासैबो मासिखौ दखल खालामदों।

0
107
KAAC Election 2022

गुवाहाटी, 13 जुन, 2022: भारतिय जनता पार्टिआ कार्बि आंलं गावखुंथाइयारि हालामनि बिसाइख’थियाव गासैबो मासियाव देरहासारनो हानानै राजखान्थिनि फोथाराव मोनसे गेदेर जारिमिन सोरजिदों। बिसाइख’थियाव 26 मासिनि गेजेराव गासै 26 मासियावबो देरहासारनो हादों बि जे पि दोलोआ। हादोरनि गाहाइ मन्त्रि नरेन्द्र मडिआ कार्बि आंलंनि रायजो राजाफोरा गावसिनि दोलोनि सायाव गोथौ फोथाइनायखौ लानानै बिसाइख’थियाव देरहासार खालाम होनायनि थाखाय साबायखर बावहरदों। आरो बे देरहानायखौ मोनसे जारिमिनारि देरहानाय हान्नानै बुंदों।

मखनो गोनांदि बि जे पि दोलोआ नैथि खेबनि थाखाय बिसाइख’थिखौ दखल खालामनानै सरकारखौ दानो हादों। हादोरनि गाहाइ मन्त्रिया साबायखर बावनायजों लोगोसे आसामखौ जौगाखां होनायनि थाखाय मिरु सरकारनिफ्राय हाजासे हेफाजाब होगोन होन्नानै गावनि टुइटारनि गेजेरजों खोथा होदों। बिनि अनगायै रायजोनि गिबि मन्त्रि ड. हिमन्त बिस्व शर्माआबो गावनि टुइटारनि गेजेरजों बिसाइख’थियाव बे गिदिर जाफुंसारनाया हादोरनि गाहाइ मन्त्रि नरेन्द्र मडिनि Sabka Saath Sabka Vishwas बिथांखिनि मोनसे जाफुंसारनाय होन्ना गोजोन्नाय फोरमायदों। आरो कार्बि आंलं जिल्लानि गासै रायजो राजाफोरनिसिम गावनि खुलुमनायखौबो जासिहरदों। कार्बि आंलंनि हालामनि जौगानायनि थाखायबो हाबा मावनाय जागोन होन्ना बिसाइख’थियाव देरहानायनि खुसिजों गिबि मन्त्रिआ खोथा होदों।

LEAVE A REPLY

Please enter your comment!
Please enter your name here