गुवाहाटी, 13 जुन, 2022: आसामनि APCC कंग्रेसनि दैदेनगिरिफोरा गुवाहाटी नोगोराव National Herald Corruption Case नि हेंथायै सोमावसारदों। गुवाहाटीनि Enforcement Directorate मावखनि साखाथियाव सोमावसारदोंमोन। बेनि हेंथायै सोमावसारनायनि थाखाय पुलिस बिफाना सोमावसारनाय दैदेनगिरिफोरखौ हमदों। आसाम आयेन आफादनि बेरेखा दोलोनि दैदेनगिरि Debabrata Saikia खौबो पुलिस बिफाना हमदों। भाङागड़नि दालांनि साखाथियाव सोमावसारगिरि दैदेनगिरिफोरखौ पुलिसा हमदों होन्ना मिथिनो मोन्दों। आसाम आयेन आफादनि बेरेखा दोलोनि दैदेनगिरि Debabrata Saikia आ खौरांगिरिनि सिगाङाव बि जे पि दोलोआ सुबुंखान्थिखौ गावसिनि सरकारनि गोहोखौ लानानै सिफायबाय आरो सुबुंखान्थिनि फोथाइथिखौ गैयै खालामबाय होन्ना बि जे पि दोलोखौ सोंखारिनानै बुङो। आसामनि गिबि मन्त्रि ड. हिमन्त बिस्व शर्माआनो रायजोनि गेजेरावनो पुलिस बिफाननो सुबुंखान्थिनि मोन्थाइखौ सिफायनायनि गोहोखौ होदों होन्नानै सेंखारियो।
Enforcement Directorate मावखआ कंग्रेसनि गोजौ थाखोनि दैदेनगिरि सनिया गान्धी आरो राहुल गान्धी सानैनोबा मावखआव नुजाथि फैनायनि थाखाय मिथिसार बिलाइ हरनायखौ लानानै सोमावसारदों। मखनो गोनांदि 2015 माइथायावनो National Herald Corruption Case खौ बिजिरसालिआ नायबिजिरनायनि गेजेरजों बन्द खालामदोंमोन नाथाइ, बे एखे गसरनि थाखायनो मावखयाव नुजाथि फैनो थाखाय मिथिसार बिलाइ हरदों होन्नानैबो Debabrata Saikia आ सोंखारिनाय रावजों बुङो। कंग्रेसनि दैदेनगिरि राहुल गान्धीया दिनै National Herald Corruption case नि थाखाय Enforcement Directorate नि मावखआव नुजाथि फैदों होन्नानै मिथिनो मोन्दों। बेखौ लानानै दिनै कंग्रेसनि दैदेनगिरिफोरा गोदान दिल्लिआवबो राहुल गान्धिनि जानानै स्लगान होयो। बिफाननिफ्राय मिथिनो मोन्नाय बायदिब्ला दिल्लिआवबो कग्रेस दोलोनि दैदेनगिरिफोरखौबो पुलिस बिफाना हमदों होन्नानै मिथिनो मोन्दों।
