मणिपुर, 13 जुन, 2022: मणिपुर पुलिसआ स्रोद खौरां मोननायनि उनाव गोख्रों संदाननाय हाबाफारिनि गेजेरजों समबारखालि जिरिबान जिल्लानिफ्राय गासै 85 लाख रांनि ब्राउन सुगार बोखांनो हादों । लोगोसेनो आयेननि बेरेखायै फालांगि खालामग्रा सा 3 दायनिगिरिफोरखौ मणिपुर पुलिसआ हमबाय । पुलिस बिबानगिरिआ बुंथिना होनाय बादिब्ला, बोखांनो हानाय ब्राउन सुगारनि लिरथाइया 1.037 किलग्राम आरो बेनि बेसेना माहारियारि हाथाइयाव गासै 85 लाखनिख्रुइबो बांसिन होनना मिथिनो मोन्दों ।
अदेबानि, हमजानाय साथाम सुबुंफोरनि मुंखौ फारिया SEVAN RAJA, DEBASHISH PAUL आरो ATHOI CHIRU होनना मिथिनो मोन्दों । रिपर्टनि गेजेरजों मिथिनो मोननाय बादिब्ला, पुलिसआ मोनसे गोख्रों संदाननाय हाबाफारिनि गेजेरजों गंसे MN 01 AG 0671 नम्बर प्लेट गोनां गारिबो बोखांनो हायो । हमजानाय सुबुंफोरखौ थाबैनो कास्टडीआव लांनाय जादों। दा नायबिजिरनाय हाबाफारिया सोलिगासिनो दं होनना मिथिनो मोन्दों ।