गुवाहाटी, 14 जुन, 2022: आसामनि गुवाहाटीआव App Based गारि सालाइगिरिफोरा 15 जुननिफ्राय गावसिनि गारि सालायनायाव गानग्रा द्रेसखौ गाननानै गारिखौ सालायथारनांगोन बे बिथोनखौ Kamrup Metro District Transport Enforcement branch मावखनिफ्राय फोसावनानै होदों। बेराफारसेथिं Cab गारि सालायगिरिफोराबो गारि सालायनायाव गान्नो थाखाय द्रेसखौ थाबैनो मोनगोन होन्नानै मिथिहोदों। बे बिथांखिखौ Cab Service Providers, Cab Association आरो गुवाहाटी कामरुप मेट्रपलिटियाननि जिल्ला बेंगिरि Pallav Gopal Jha नि गेजेराव मोनसे मेल खुंनानै सावरायलायनि गेजेरजों लानाय जायो। थांनाय 1 जुनआव गुवाहाटीआव बे थांखिखौ सावरायलायनानै लानाय जादोंमोन।
थांनाय समबाराव DTO Enforcement Himangshu Das आ फोरमायनानै होदोंदि फैगौ 25 जुननिफ्राय Ola, Uber फोराबो गावसिनि गोदान द्रेसखौ गान्नानै गारिखौ सालायनांगोन। बे थांखिखौ लानायनि गुबै जाहोनखौ गारि सालायगिरिफोर आरो नोगोरारिफोरनि गेजेराव फारागथिखौ सिनायथिनायनि खालामनाय जादों होन्ना फोरमायदों। बेजों लोगोसे जाय गारि सालायगिरिया खुंथाइनि बे आयेनखौ मानिनानै सोलिया बेनि हेंथायै गोख्रों थांखि लानाय जागोन आरो नायबिजिरनायनि गेजेरजों होखारनाय एबा दोन्थनाय जागोन होन्ना मिथिहोबावदों।
