गुवाहाटीआव जुब जुब अखा हानायनि जाहोनाव हा गिसिखानानै सा 4 सुबुङा हाजों फबसिन जादों।

0
97
4 death in guwahati landslide

गुवाहाटी, 14 जुन, 2022: अखा हानाय समाव हरखाब हा गिसिखानानै थागिबिफोरनि जिउ गोमानांनाय दुखु नांथाव जाथाया आसाम राज्योयाव गोदान बाथ्रा नङा। दिनैबो गुवाहाटी नोगोरमायाव हरखाब हा गिसिखानाय जाथायजों सा 4 सुबुंफोरा जिउ गोमादों। बे दुखु नांथाव जाथाइया नुजाथिदों गुवाहाटी नोगोरमानि बरागावनि निजारापारा होन्नाय थावनियाव। मिथिनो मोन्नाय बायदिब्ला सा 4 सुबुङा हा गिसिखानायनि जाहोनाव गावसोर थाग्रा खथायावनो फबसिन जादों। बे दुखुनांथाव जाथाइजों जिउ गोमानाय सुबुंनि मुंखौ फारियै Manuwar Hussain, Mafijul Haque, Amrul Haque आरो Hasanur Ali होन्नानै मिथिनो मोन्नाय जादों।

SDRF नि सुलुङा फोरमायनाय बादिब्ला, दासान्दि गोबां अखा हानायजों गुवाहाटी नोगोरमानि बामुनिमैदाम, बसिस्ट, ज्योतिनगर ओनसोलाव दिनै गिथावनायै हा गिसिखादों। नाथाय बरागाव ओनसोलाव हरखाब हा गिसिखानायनिफ्राय रैखा मोनाखिसै सा 4 सुबुंफोरा। गुबुन फार्सेथिं बोथोर बिगियान IMD बिफाना आसाम, मेघालय राज्योनि सुबुंफोरखौ फैगौ 17 जुनसिम गोबां अखा हागोन होन्नानै सांग्रांथि होनायखौ नुनो मोन्दों।

LEAVE A REPLY

Please enter your comment!
Please enter your name here