उत्तराखाण्ड, 10 जुन, 2022: उत्तराखाण्डनि तेहरी गरहवाल ओनसोलाव दावबायारिफोर गाखोनाय गंसे गारिया गोथौ हाख’राव गलांनानै सा 5 सुबुंफोरनि जिउ खहा जायो। बे जाथाइया घानसुलि घुत्तु लामायाव जादोंमोन । रिपर्टनि गेजेरजों मिथिनो मोननाय बादिब्ला, बे गारियाव सा 8 दावबायारिफोर दंमोन। बेनिफ्राय सा 3 सुबुंफोरा गोब्राबै जोखोम जायो । जाथाइ जानायनि उनावनो जोखोम जानाय सुबुंफोरखौ देहा फाहामसालिसिम फाहामथाइ होनो लांदों ।
थांनाय रबिबारखालि बासनि मोनसे जाब्रथाइयाव गासै सा 26 सुबुंफोरा जिउ खहा जादों । बे जाब्रथाइया मध्य प्रदेशनि पान्ना जिल्लायाव मोनसे गोथौ हाखराव दावबायारिफोर गाखोनाय बासआ गलांनायनि जाहोनाव जादों । सुलुंनि गेजेरजों मिथिनो मोननाय बादिब्ला, बे बासआव सालायग्रा आरो मदद होग्राजों लोगोसे गासै सा 28 सुबुंफोर दंमोन । बे बादि जाथाइखौ होबथानो थाखाय थाबैनो राहा लानाया गाहाम बे जाथाइ जानायजों गोबां सुबुंफोरा जिउ खहा जानांनायाव राइजोनि गिबि मन्थ्रिआ दुखु मोननाय फोरमायदों । लोगोसेनो मिरु सरकारखौ सावरायलायनानै थाबैनो बेखौ होबथानो थाखाय राहा लागोन होनना बुंथिदों।
