गुवाहाटी, 9 आगष्ट, 2022: आसामनि गुवाहाटी नोगोराव सासे 60 बोसोर बैसोनि दुथां सुबुङा उन्दै हिन्जावसाखौ जिनाहारि खालामदों। गुवाटीनि नुनमाति ओनसोलाव बे जाथाइया सोमजिदों। सानजौफु समाव बुगिनांनाय उन्दै हिन्जावसानि बिमा बिफाया खामानि मावनो थांदोंमोन आरो नखराव रावबो गैयामोन। बेखौनो खाबु लानानै दुथांआ जिनाहारि खालामो।
हमजानाय दुथांखौ दैजेन रामचियारि होन्नानै मिथिनो मोन्नाय जादों। मिथिनो मोन्नाय बायदिब्ला जिनाहारि खालामबाय थानाय समाव उन्दै हिन्जावसानि 10 बोसोर बैसोनि बिदाया नुसनो आरो गिनानै खारलाङो। बेनि उनाव जेब्ला बिमा बिफाया नआव सौफैयो अब्ला गथफोरा खिथानानै होयो। जायनि थाखाय बिमा बिफाया दैजेन रामचियारि हेंथायै पुलिस थानायाव गसर थिसनो। गसरनि सायाव बिथा खालामनानै पुलिस बिफाना आसामिखौ POCSO Act आयेननि गेजेरजों हमनाय जायो।
