गोदान दिल्ली, 9 आगस्ट 2022: दानि गोदान मुगानि कपानिफोरा करपरेट मुलुगखौ साबसिननिफ्राय साबसिन खालामनो नागिरदों।बेनि थाखायनो मावसुमाफोरनो माखासे सुबिदाफोरखौ होदों।जाहाते मावसुमाफोरा गोसो जानानै आरो फोथाय जाथाव जानानै खामानि मावयो।
जार्मानिनि Ruby Hotel आव बे समाव सुबुंफोर खामानि मावनो गोबां हाखुंर जादों। सबुंफोरा हांखुर जानायनि जाहोना जादों बे हटेलाव खामानि मावग्राफोरनो आलादा आलादा सुबिदा होनाय।बे हटेला मावसुमाफोरनो बेतनजों लोगोसे 48 रोजा रांखौ बनास महरै होदों।जाहाते मावसुमाफोरा टेटु,मेगनखौ समायना आरो हेयारकाटखौ मोजां खालामना लानो हायो।
हटेलनि बेबायदि सुबिदा होनायखौ नुनानै गुबुनफोराबो बे हटेलाव खामानि मावनो आरज गाबदों।हटेलनि बिबानगिरिआ फोरमायनाय बायदिब्ला,बे हटेलाव सिगाङाव सुबुंफोरा खामानिखौ बिनो फैयामोन। नाथाय बेबायदि सुबिदा होनायनि उनाव सुबुंफोरा हटेलाव खामानि मावनो गोसो जानाया बांदों।हटेलनि मावसुमाफोरनो बेबायदि सुबिदा होनायखौ 6 दानसिम खालामनाय जागोन।
