गिख्रंथाव लामानि जाब्रथाइजों सा 8 सुबुंफोरा जायगायावनो जिउ खहा।

0
105
bihar accident 8 killed

बिहार, 11 जुन, 2022: बिहारनि पुरने ओनसोलाव सनिबारखालि मोनसे गिख्रंथाव लामानि जाब्रथाइ सोमजिदों। खारबाय थानाय गारिया लामा सेरनि खरसे हाख’राव गलांनानै सा 8 सुबुंआ जायगायावनो जिउ खहा जायो, लोगोसेनो सा 2 सुबुंआ गोब्राबै जोखोम जादों । गारि सालायग्राया गारिखौ खाबुआव लाखिनो हायैनि जाहोनाव बे जाथाइया सोमजिदों।

राइजो बेंगिरिया थैनाय सुबुंफोरनि सिनायथिखौ संदाननो नाजागासिनो दं। बे जाथाइया सनिबार फुंनि 3 रिंगायाव जादोंमोन । जेब्ला कारआव गाखोनाय दावबायारिफोरा तिलक फोरबोनिफ्राय किशनगन्ज जिल्लानि नानिया गामि फारसे थांबाय थानाय समाव बे गिख्रंथाव जाथाइया नुजाथिदों।

गारि सालायग्राया गारिनि खारथाइखौ खाबुआव लाबोनो हायैनि जाहोनावनो कानजिया गेजेर फरायसिलिनि साखाथियाव दैजों बुंनाय खरसे हाखराव गारिया गलांनायनि जाहोनाव बे जाब्रथाइया जादों। बे जाथाइजों जिउ खहा जानाय सा 8 सुबुंफोरखौ पस्ट मर्टेम खालामनो आरो जोखोम जानाय सुबुंफोरखौ फाहामथाइ होनो थाखाय देहा फाहामसालिसिम लानानै थांनाय जादों।

जोखोम जानाय सुबुंफोरनि थासारिया दा एसे गाहामाव फैबाय होनना देहा फाहामगिरिआ बुंथिना होदों । जिउ गोमानाय गासैबो सुबुंफोरानो हौवामोन होनना कानजिया गामिनि गोरा मुखिया सामरेन्द्र घसआ खौरांगिरिफोरनि सिगांङाव फोरमायथिदों । राइजो बेंगिरिआ थाबैनो जिउ गोमानाय सुबुंफोरनि सिनायथिखौ संदाननानै दिहुनगोन होनना फोरमायथियो ।

LEAVE A REPLY

Please enter your comment!
Please enter your name here