गुवाहाटी, 11 जुन, 2022: थांनाय माखासे सान सिगां सरकारा गुवाहटीनि सिङाव दखल खालामनानै थानाय सुबुंफोरनि न’खौ सिफायनानै होखारनायखौ नुनो मोन्दोंमोन। बेबायदिनो, तिनिसुकिया जिल्ला बेंगिरि बिफाना गसें आपु रेस्तुरेन्ट आरो गुबुन गं 13 डाबाफोरखौ होखारनायनि थाखाय बिथोन होदों। तिनसुकिया जिल्लानि जिल्ला बेंगिरिया फोसावनाय बिलाइनि बायदिब्ला सान 2 नि गेजेरावनो दखल खालामनानै रेस्तुरेन्ट आरो डाबा होनायखौ होखारनायनि बिथोन बिलाइखौ फोसावनानै होदों।
Assam Land and Revenue Regulation, 1886 आयेननि Section 18 (2) नि गेजेरजों आयेन बेरेखायै दखल खालानायखौ होखारनाय जागोन होन्नानै मिथिनो मोन्दों । तिनिसुकिया जिल्लानि हुखानफुरि थावनिआव थानाय रेस्तुरेन्ट आरो डाबाफोरखौ होखारनो थाखाय दिनै बे गोख्रों बिथोनखौ होयो। बिफाननिफ्राय मिथिनो मोन्नाय बायदिब्ला बे फालांगि फसंथानफोरनि बिगोमाया आयेन बेरेखायै सरकारनि हाखौ दखल खालामनानै फालांगिखौ सालायदोंमोन। बिनिखायनो, जिल्ला बेंगिरिआ होखारनायनि बिथोन बिलाइखौ फोसावनानै होयो।
