गोदान दिल्ली,11 आगस्ट 2022: आमेरिकानि केलिफर्नियाआव डेथ भेलिखौ मुलुगनि बयनिख्रुइबो गरमसिन जायगा मानिनानै लानाय जायो आरो बे जायगाआ आमेरिकानि बयनिख्रुइबो रानस्रावसिन जायगा।नाथाय बोथोर सोलायनायजों बे जायगानि थासारिआ सोलायदों। डेथ भेलिआव हरखाबै अखा हानायजों गोबां दै बाना लोमसावदों।जायनि जाहोनाव डेथ भेलि नेसनेल पार्क सिङाव से रोजानिफ्रायबो बांसिन सुबुंफोरा थाबथानानै थादों।गोबां दै बाना लोमसावनायाव डेथ भेलिखौ अरायथा नङै महरै बन्द खालामनाय जाबाय।
रिपर्टनि बायदिब्ला ,फार्नेस क्रिकआव थानाय पार्क मावख’ खाथिनि डेथ भेलिआव गंसे जारिमिनारि लाग्जारि हटेलआव गेस्ट आरो मावसुमाफोरनि गं 60 निफ्राय बांसिन गारिफोरा हाब्रु सिङाव गोदोलांदों।
मखनो गोनांदि, बे ओनसोलाव गोबां अखा हानायनि जाहोनाव सा 500 गेस्टफोर आरो सा 500 मावसुमाफोरा पार्कनिफ्राय बायजोआव ओंखारलांनो हायाखै।मानोना गोबां दै बाना लोमसावनायनि जाहोनाव डेथ भेलि सिंनि आरो बायजोनि लामाखौ बन्द खालामनाय जादों।
