Saturday, May 25, 2024

मैदेरनि उदखारजों कुमारिकाता बेलकुटिनि गंसे न’खरा सिलिंखार जानांदों।

तामुलपुर जिल्ला कुमारिकाता हाग्रा बिफाननि बेन्दोंआव थानाय बेलकुटि गामिनि गंसे न’खरखौ थांनाय हरनि समाव थेर-बेथेरै सिलिंखार खालामलांजोबदों हाग्रानि मैदेर फालोआ । बेलकुटि गामिनि सबिथा बसुमतारीनि न’खरनि इन्जुरखौ बोफायलांजोबनायजों लोगोसेनो माइ-माइरं, जि-जोम गाननाय-जोमनाय,फराय बिजाब, साइकेल गोदानजों लोगोसेनो ओंखाम संनानै जाग्रा थौ, साराय, गाह्रा बायदिखौ थेर-बेथेर खालामलांजोबदों । जायनि थाखाय न’खरनि सुबुंफोरा थानो उन्दुनो ओंखाम संनानै जानो राहा गोथेनानै थानो गोनां जादों । हाग्रानि मैदेरजों आंगो न’खौ सिलिंखार खालामजानाय दुखुथिया न’खरनि फिसाइआबो थांनाय माखासे सान सिगाङावसो थैना थांदोंमोन। थिक बेबायदि समावनो हाग्रानि मैदेरा फालोआ न’खरखौबो सिलिंखार खालामदों। न’खराव 10 थाखोआव फरायगासिनो थानाय फिसाज्ला फैलाव बसुमतारी, मन्जित बसुमतारी 9 थाखो आरो फिसाजो बैराथि बसुमतारीआ 7 थाखोआव फरायगासिनो दं । बिसोरनि फराय बिजाब आरो गान्नाय-जोमनायफोरखौबो थेर-बेथेर, आलाइ-सिलाइ खालामलांजोबदों । बेनिखायनो दुखुथिया न’खरा सरकारनिफ्राय थाबैनो अनसुंथाइ मोननो हास्थायदों ।

House destroyed by Elephant
BODOLAND रादाब
BODOLAND रादाबhttp://bodolandradab.in
Bodoland Radab Headquarter in Kokrajhar town of BTR, Assam is the Number 1 Bodo News Portal of Bodoland (Officially BTR).

Related Articles

LEAVE A REPLY

Please enter your comment!
Please enter your name here

Stay Connected

311,000FansLike
2,714FollowersFollow
203,000SubscribersSubscribe

Latest Articles