आसाम पुलिसआ हारियानानि सा 9 सुबुं लांखारग्राफोरखौ हमदों ।

0
91
9 human traffickers caught by Assam Police in Haryana

हारियाना, 25 सेप्तेम्बर, 2022: आसाम पुलिसनि मोनसे गेदेर जाफुंसारनाय । आसाम पुलिसनि मोनसे हानजाया सुबुं लांखारग्रा हानजानि आइजोजों लोगोसे सा 9 सोद्रोमाफोरखौ हमदों । मिथिनो मोननाय बादिब्ला, सुबुं लांखारग्रा हानजाया हिनजावसाफोरखौ खावनायजों लोगोसेनो साख्रि होगोन होनना थगायनानै लानानै थाङोमोन आरो हिनजावसाफोरखौ गुबुन राज्योफोराव लांनानै गोबां रांनि सोलायै फानोमोन । सा 9 खाजानाय सुबुंफोरनि मुंखौ फारियै, एलेका बेगम, आखेर आलि, आश्राफुल आलम, साद्दाम हुसेन, जैनुर आलि, देलबार हुसेन, नुर महाम्मद आरो आनुवार हुसेन होनना मिथिनो मोन्दों ।

आसाम पुलिसनि दैदेननाय मोनसे हानजाया बरपेटा डिभिजनआव मोनसे स्रोद सुलुं मोननायनि गेजेरजों नायबिजिरनाय हाबाफारिखौ जागायजेन्दोंमोन । बेनि उनाव जायगानि सुबुंफोरनि मददजों हारियानानि सा 9 सुबुं लांखारग्राफोरखौ हमनो हायो । पुलिसआ बुंथिनाय बादिब्ला, दायनिगिरि सुबुंफोरा गिबियाव हिनजावसाफोरखौ मोजां मोनफ्लानानै गुबुन राज्योआव लांनो नाजादोंमोन । जायनि उनाव बिसोरो हिन्जावसाफोरखौ हारियाना आरो राजस्थान बायदि राज्योफोराव गोबां रां लानानै फानहैनो नाजादों ।

रिपर्टनि गेजेरजों मिथिनो मोनबावदोंदि, सुबुं लांखारग्रा हानजाया हिनजावफोरखौ सासेयाव 3 लाख रां लानानै फानहरोमोन । बेबादिनो बरपेटा आरो मंगलदैनिफ्राय आसाम पुलिसआ सानै हिन्जावसाफोरखौ रैखा खालामनो हादों । मखनो गोनांदि, आसामाव थांनाय 2021 मायथाइनिफ्राय दासिमाव गासै 174 सुबुं लांखारनाय केस मोननाय जादों ।

LEAVE A REPLY

Please enter your comment!
Please enter your name here