Friday, May 24, 2024

लखीमपुर खीरीआव दुथांफोरनि मोनसे हानजाया असे बिब’-बिनानावखौ जिनाहारि खालामनानै बुथारदों ।

उत्तर प्रदेश, 15 सेप्तेम्बरः उत्तर प्रदेशनि लखीमपुर खीरी मुंनि जायगायाव सोमजिदों मोनसे गिख्रंथाव जाथाय । सानै बिब’-बिनानावनि गोथै सह’खौ फांसे बिफांआव थैनाय थासारिआव मोननाय जाथाइनि उनाव सा 6 सुबुंफोरखौ पुलिसआ हमबाय । पुलिसआ मोनसे खौरांगिरि मेलनि गेजेरजों बुंथिना होनाय बादिब्ला, बै दुथांफोरा हिनजावसाफोरजों लोगो जाफ्लानानै बिसोरखौ जिनाहारि खालामनायनि उनाव बुथारदों । बेनि गेजेरावनो सानै दायनिगिरिफोरा गावसोरनि दायखौ सिमान लाबाय । सानैबो हिनजावसाफोरखौ दायनिगिरिफोरा गोदोना सेरथेनानै बुथारदोंमोन । लोगोसेनो गासैबो फोरमानफोरखौबो दोनखोमानो नाजादोंमोन । गासैबो दायनिगिरिफोरानो गावजों गाव सोमोन्दो दंलायो आरो बिसोरो लालपुर ओनसोलनि थागिबि । दायनिगिरिफोरा सानै बिब’-बिनानावखौ बुरखायनानै फोथाराव लानानै थांदोंमोन । बेनि उनाव हिनजावसाफोरनि गनायथि गैयालासे देहायारि सोमोन्दो लाखिदों । बेनि थाखायनो दफा 302, 306 आरो POCSO एक्टनि जोहै दायनिगिरिफोरनि सायाव केसखौ थिसन्दों ।

नाथाय फारसेथिङै नख’रनि सोद्रोमाफोरा हिनजावसाफोरखौ लांखारनानै बिसोरखौ जिनाहारि खालामनायनि उनाव बुथारदों होनना अजद होदों आरो गामिनि सुबुंफोराबो दायनिगिरिफोरनि सायाव रागा जोंखांनायखौ दिन्थिदों ।

BODOLAND रादाब
BODOLAND रादाबhttp://bodolandradab.in
Bodoland Radab Headquarter in Kokrajhar town of BTR, Assam is the Number 1 Bodo News Portal of Bodoland (Officially BTR).

Related Articles

LEAVE A REPLY

Please enter your comment!
Please enter your name here

Stay Connected

311,000FansLike
2,714FollowersFollow
203,000SubscribersSubscribe

Latest Articles