गोदान दिल्ली,14 सेप्तेम्बर 2022: दिल्लीनि गिबि मन्थ्रि अरभिन्द केजरिवालआ गिदिर बाथ्रा फोसावदों।दिल्लीआव आथिखालाव बैसोर सुबुंफोराल’ मोब्लिब गोहोनि साब्सिडी मोनगोन,जाय बेनि थाखाय एप्लाइ खालामगोन।दिनैनिफ्रायनो बेनि थाखाय एप्लाइ खालामनाया जागायजेनबाय।
दिल्लीनि गिबि मन्थ्रि अरभिन्ड केजरिवालआ बुंदों माखासे सुबुंफोरा फ्रि मोब्लिब गोहोखौ लानो गोसो जायाखै।बेनि थाखायनो दिल्लीआव बैसोर सुबुंफोराल’ साब्सिडी मोनगोन,जाय बेनि थाखाय एप्लाइ खालामगोन।
दिल्लीआव सिगाङाव मोब्लिब गोहोआ गोबां थांबाय थायोमोन।आथिखालाव बे जेंनाखौ सुस्रांबाय आरो दिल्लीनि सुबुंफोरा 24 घन्टा मोब्लिब गोहोखौ मोननो हाबाय।दिल्लीआव मोब्लिब गोहोखौ फ्रिआव मोनदों।गेना खान्थिखौ होबथानानै जाय फैसाखौ दोनथुमदों ,बेजोंनो सुबुंफोरनो सुबिदा होनाय जादों।
दिल्लीआव 58 लाख मोब्लिब गोहो बाहायगिरिफोर दं।बिसोरनि गेजेराव 30 लाख सुबुंफोरनि मोब्लिब गोहोनि बिलआ जिर’ फैयो।17 लाख मोब्लिब गोहो बाहायगिरिफोरनि बिल’आ खावसेल’ फैयो।मोब्लिब गोहोनि साब्सिडीनि सुबिदाखौ 1 अक्टबरनिफ्राय गनायथि होनाय जागोन।
