क’क्राझार, 27 जुलाइ, 2022: गेलेनाय बिथिङाव बर’नि लाइमोनफोरा उन जानानै थायाखै। हादर गेजेरारि, हारिमायारि आरो रायजोयारिनि बायदि आइदानि गेलेनाय बादायलायनायाव बर’नि बादायारिफोरा जायगाखौ आवग्रिनानै लानो हागासिनो दङ। बेबायदिनो सोलिबाय थानाय ASSAM YOUTH OLYMPIC- 2022 गेलेनाय बादायलायनायावबो गोबां बर’नि लाइमोनफोरा गावसिनि रोंगौथिखौ दिन्थिनानै मेडेल देरहासारनो हादों। आरो हारिनि थाखाय गोग्गानाय लाबोनो हादों। क’क्राझार जिल्लानिफ्रायबो गोबां बादायारिफोरा मेडेल मोन्नो हादों। फारियै
- मुन्ना कुमार ब्रह्मआ 400 मिटार खारनायाव सनानि मेडेल,
- राजु दैमारिया 100 मिटार खारनायाव तामानि मेडेल,
- कृष्णा बर’आ सत पुत खुबैनायाव तामानि मेडेल,
- जिमि ब्रह्मआ सत पुत खुबैनायाव रुपानि मेडेलखौ मोन्नो हायो।
बेनि अनगायैबो, TAOLU-WUSHU गेलेनायाव फारियै
- दयामति ब्रह्मआ सनानि मेडेल,
- सोरांसात बसुमतारिआ रुपानि मेडेल,
- जनिला ब्रह्मआ रुपानि मेडेल, दैजि राभाआ रुपानि मेडेल,
- दिपालिलिका बरमन आरो दियन दत्तआ तामानि मेडेलखौ मोन्नो हायो।
मख’नाया गोनांदि क’क्राझारनिफ्राय, सा 5 हिन्जाव आरो सा 3 हौवा बक्सार गेलेगिरिआ जोबथा बादायलायनायनि मासिखौ आवग्रिनानै दङ। आसा खालामनो हायो बिथांमोनहा मोजाङै बाहागो लानानै सनानि मेडेलखौ मोन्नो हागोन।
