गुवाहाटी, 4 जुन, 2022: सा-सान्जा भारतनि सिक्किम रायजोआव मोनसे दुखुनांथाव जाथाइ सोमजिदों। खारबाय थानाय गारिया हरखाबै दैयाव गलांदों। जाहोनाव सा 4 सुबुङा दुखुनांथावयै जायगायावनो जिउ गोमा नाङो। बे जाथाइया सा सिक्किमआव जादों। बे जाब्रबथाइया मानगान पुलिस थानानि बेन्दोङाव थानाय मेयं कला होननाय थावनियाव जादों होननानै सरकारि बिफाना फोरमायनानै होदों। थांनाय सक्रुबारखालि बे दुखुनांथाव जाथाइया सोमजियो।
बे जाथाइयाव जिउ गोमानाय सुबुंफोरखौ फारियै बिहारनि Ramesh Chandra Verma (28) Vandana (32), आरो चुंतां बाजारनि Sonam Lepcha (38) आरो Lakpa Dorjee Lepcha (28) होननानै मिथिनो मोननाय जादों। मिथिनो मोननाय बायदिब्ला, गारि सालाइगिरिआ सालायबाय थानाय समावनो हमथानो हायैनि गारिया दैआव गलांदोंमोन। जाथाइ जानाय गारिआ Teesta Urja Pvt Ltd निमोन।
