6 बिघानिबो बांसिन हायाव द्रागन फिथाइनि आबाद मावदों कुमारिकातानि बिमल नार्जारिया ।

0
122
Profitable Dragon Fruit Farming Business by Bimal Narzary

तामुलपुर जिल्ला कुमारिकातानि बिमल नार्जारिया जाफुंसारदों द्रागन फिथाइनि आबाद मावनायजों । गावनि 6 बिघानिबो बांसिन हायाव द्रागन आबाद मावनानै गोबां मुलाम्फा मोननो हानायखौ जोंनो फोरमायथिदों । जाय समाव आबाद मावनायनि फारसे लाइमोनफोरा गोसो गैयै जालांदों बेफोरबादि समाव गावनि जाफुंसारनायखौ दिन्थिफुंनो हादों बिमल नार्जारिया । द्रागन फिथाइखौ 1 किल’यावनो 400 रांङै फाननो हादों जेरावनाखि थाइनै फिथाइजोंनो से किल’ जायो आरो गोबां मुलाम्फा मोननो हायो । दासिमाव बिथांया 300 केजिनि बांसिन द्रागन फिथाइखौ फाननो हाबाय आरो गोबां मुलाम्फा मोनबाय । खेबसे द्रागन बिफां गायनायानो खमैबो 20 बोसोरसिम फिथाइ होयो । बेनिखायनो जोंनि लाइमोनफोरा बे आबादनि सायाव गोसो होनांगौ होनना नार्जारि बिथांया बुंथियो । बेजों लोगोसेनो जायफोर लाइमोनफोरा बे द्रागन आबाद मावनायनि बागै मिथिनो गोसो बिथांमोनहा जानबुं नाम्बारजों जगाजग खालामनो हागोन आरो गावनि द्रागन आबाद मावनाय जायगायावबो फैनानै लोगो हमफैनो हागोन होनना बुंथिदों ।

LEAVE A REPLY

Please enter your comment!
Please enter your name here