हारियाना, 4 सेप्तेम्बर, 2022: हारियाना मुलुगसोलोंसालिआव नुजाथिदों मोनसे गिख्रंथाव जाथाइ । हारियानानि रहतकआव थानाय महारसि दयानन्द मुलुगसोलोंसालिआव गुलि गावग्लुंनाय जाथाइ नुजाथिदों । जेराव सा 2 फरासाजों लोगोसे सा 4 सुबुंफोरा जोखोम जादों । रिपर्टनि बादिब्ला, बे जाथाइया रांखान्थिनि थाखाय सोमजिदों । मोनसे हाबाफारिआव बाहागो लाखांनायनि उनाव मुलुगसोलोंसालिनि CHANCELLOR, GOVERNOR BANDARU DATTATREYA खौ गावथारनो नाजादोंमोन । मिथिनो मोननाय बादिब्ला, बे जाथाइयाव सा 3 सुबुंफोरनि आखाइ दं । अदेबानि जाथाइ जाखांनाय लोगो-लोगोनो दायनिगिरिफोरा जाथाइथिलिनिफ्राय जायखारलांदोंमोन होनना पुलिसआ बुंथिदों । पुलिसआ बुंथिनाय बादिब्ला, बे गुलि गावनाय जाथाइयाव सा 4 सुबुंफोरा जोखोम जादों आरो बेबादि अपेन फायार खालामनाय सुबुंफोरखौ हमनो नायबिजिरनाया सोलिगासिनो दं होनना बुंथिदों
