गुवाहाटी, 15 आगष्ट, 2022 : भारत हादरनि 75 बोसोर आरो 76थि उदांश्री सानखौ दिनै हादरनि गुबुन गुबुन जायगायाव गाजा गोमजायै फालिनायखौ नुनो मोन्दों । आसामावबो उदांश्री सानखौ गाजा गोमजायै फालिनायखौ नुनो मोन्दों । उदांश्री साननि रंजानाय सानजों लोगोसे गिबि मन्थ्रिआ फिसा-फिसा गसर थानाय आसामिफोरनि गेजेरावबो रंजानाय लाबोनानै होफैदों। मानोना दिनै गिबि मन्थ्रिया फिसा-फिसा गसर आरो समाजारि खौरां बिजोङाव दाय गोनां पष्ट होनानै गसर थिसन्नायफोरखौ बोखांनानै लानायनि थाखाय बिबुंथि होनायनि गेजेरजों फोसावनानै होदों।
रायजो सरकारा 1 लाक गसरखौ बोखांनानै लानायनि थांखिखौ फोसावनानै होयो गिबि मन्थ्रिआ। सरकारनि बे थांखि लानाया बिजिरसालिनि बजायखौ खमायनानै होगोन होन्नाबो बुङो । मिथिनो मोन्नाय बायदिब्ला गासै 4 लाक केसफोरा बिजिरसालिआव बजाय जानानै दङ । बेनिखायनो 1 लाक गसरखौ खमायनायनि गेजेरजों बिजिरसालिआ माखासे गोख्रों गसरफोरनि सायाव आबुङै नायबिजिरनायाव गोसो होनानै समाधान खालामनो हागोन होन्नानैबो बुंथियो। बेनि अनगायैबो गिबि मन्थ्रिआ उदांश्री सोमावसारनायाव गावसिनि जिउखौ बावसोमनाय रुंसारि गेदेमाफोरनिसिम गावनि खुलुमनायखौबो बावयो ।
