बड’लेण्ड सोमावसारनायाव मुंख्लं जानाय नखरफोरनो थाबैनो अनसुंथाइ होजोबनो गोख्रों दाबि।

0
124
bodoland movement martyrs family seeking promised financial help from govt

मुसलपुर, 25 आगष्ट 2022: आलादा रायजो बड’लेण्ड सोमावसारनायाव गोबां बर’ सुबुंफोरानो गावनि आगोमा जिउखौ खोमानो गोनां जादोंमोन । सोमावसारनायाव मुंख्लं जानायनि थाखायनो बर’फोरनि गेजेराव BAC, BTC आरो BTR खेबथाम गोरोबथा जालांबाय । नाथाय दुखुनांथावङै थालांबाय मुंख्लं नखरफोरनो सोरखारा 5 लाक रां अनसुंथाइ होनो फोसावनाय बाथ्रा । जायनि थाखाय गोथौयै दुखु मोननायखौ फोरमायदों बाक्सा जिल्ला बड’लेण्ड मुंख्लं नखरारि आफादा । आसाम सोरखार आरो बिटिआर सोरखारा बड’लेण्ड मुंख्लं नखरफोरनो अनसुंथाइ होजोबनो हायैखौ लानानै रागा जोंखांनाय आरो दुखु मोननायखौ फोरमायदों । मख”नो नांगोनदि बाक्सा आरो तामुलपुर जिल्लायाव सा 675 नि गेजेराव दासिमबो सा 80 मुंख्लं नखरफोराल’ अनसुंथाइखौ मोननो हादों आद्रा थानाय 595 नखरफोरानो अनसुंथाइखौ मोननो हायाखै । जायनि थाखाय आद्रा थानाय नखरफोरनो अनसुंथाइखौ थाबैनो होजोबनो खावलायो आसामनि गिबि मन्थ्रि ड• हिमन्त बिस्व सर्मा आरो बिटिआरनि गाहाइ मावफुंगिरि प्रमझ बर’खौ । खुंथाइ गोहोनि सोरखारा मुंख्लं नखरफोरनो 5 लाक रांनि अनसुंथाइखौ थाबैनो होजोयाब्ला फैबाय थानाय समाव गोख्रों सोमावसारनाय थांखि लागोन होननानैबो बाक्सा जिल्ला बड’लेण्ड मुंख्लं नखरारि आफादनि आफादगिरि चन्दि बर’या खौरां बिजोंनि गेजेरजों फोरमायो ।

LEAVE A REPLY

Please enter your comment!
Please enter your name here